യുദ്ധങ്ങള്‍ വിവിധതരത്തിലുണ്ട്. ചിലത് ജനങ്ങള്‍ പെട്ടെന്നു മറക്കും. എന്നാല്‍, ദൂരവ്യാപക സ്വാധീനമുണ്ടാക്കുന്ന യുദ്ധങ്ങളുണ്ട്. ശിവജിയുടെ നേതൃത്വത്തില്‍ നടന്ന പാനിപ്പത്ത് യുദ്ധങ്ങള്‍ അത്തരത്തിലുള്ളതാണ്. 131 യുദ്ധങ്ങള്‍ ശിവജിയുടെ നേതൃത്വത്തില്‍ മറാഠികള്‍ ജയിച്ചു. എന്നാല്‍, മൂന്നാം പാനിപ്പത്ത് യുദ്ധത്തില്‍ പരാജയപ്പെട്ടു. ഈ യുദ്ധത്തില്‍ പരാജയപ്പെട്ടതോടെ ഇംഗ്ലീഷുകാര്‍ ഇന്ത്യ കീഴടക്കി. ഇന്ത്യ 200 വര്‍ഷത്തേക്ക് അടിമത്തത്തില്‍ വീണു. അത് നിര്‍ണായകമായ യുദ്ധമായിരുന്നു. 2019ലെ ലോക്‌സഭാ തിരഞ്ഞെടുപ്പ് രാജ്യത്തിന് നിര്‍ണായകമാണെന്ന് ഷാ ചൂണ്ടിക്കാട്ടി.

മുന്‍പ് കര്‍ണാടക തിരഞ്ഞെടുപ്പിലെ ബിജെപി മുഖ്യമന്ത്രി സ്ഥാനാര്‍ഥി ബി.എസ്.യെഡിയൂരപ്പയെ നാണംകെടുത്തി ബിജെപി അദ്ധ്യക്ഷന്‍ അമിത് ഷാ ഒരു തട്ട് തട്ടിയിരുന്നു. അമിത് ഷായുടെ നാക്കുപിഴയാണ് യെഡിയൂരപ്പയ്ക്ക് തിരിച്ചടിയായത്.
ഈയടുത്ത കാലത്താണ് അഴിമതിക്കാരായ സര്‍ക്കാരുകള്‍ തമ്മിലൊരു മല്‍സരം നടത്തിയാല്‍ യെഡിയൂരപ്പ അതില്‍ ഒന്നാമതാവും എന്ന് വിരമിച്ച ഒരു സുപ്രീം കോടതി ജഡ്ജി പറഞ്ഞത്. കര്‍ണാടകത്തിലെ കോണ്‍ഗ്രസ് സര്‍ക്കാരിനെതിരായ ആരോപണങ്ങള്‍ക്കിടയില്‍ അമിത് ഷാ പറഞ്ഞു. അദ്ദേഹത്തിന്റെ അടുത്ത് തന്നെയുണ്ടായിരുന്ന യെഡിയൂരപ്പ ഉടന്‍തന്നെ ഇടപെട്ട് തിരുത്തി എങ്കിലും സമൂഹമാധ്യമങ്ങള്‍ നാക്കുപിഴ ഏറ്റെടുക്കുകയായിരുന്നു.

മോദി വീണ്ടും അധികാരത്തില്‍ വന്നാല്‍ കേരളത്തിലും ബംഗാളിലും ബി.ജെ.പി. ഭരിക്കുമെന്ന് പാര്‍ട്ടിയധ്യക്ഷന്‍ അമിത് ഷാ. ഡല്‍ഹിയില്‍ ആരംഭിച്ച ബി.ജെ.പി. ദേശീയ കൗണ്‍സില്‍ യോഗത്തിലായിരുന്നു അമിത് ഷായുടെ പ്രഖ്യാപനം.

മോദി സര്‍ക്കാര്‍ വീണ്ടും അധികാരത്തില്‍വന്നാല്‍ ദക്ഷിണേന്ത്യയില്‍ പാര്‍ട്ടി ശക്തമാകും. രാജ്യത്തിന് ഉറച്ച സര്‍ക്കാരാണ് ആവശ്യം. ഇതു നല്‍കാന്‍ ബി.ജെ.പി.ക്ക് മാത്രമേ കഴിയൂ. പ്രതിപക്ഷത്തിന് നല്‍കാന്‍ കഴിയുന്നത് ദുര്‍ബല സര്‍ക്കാരായിരിക്കും. ജനങ്ങള്‍ പാറപോലെ മോദിക്കുപിന്നില്‍ ഉറച്ചുനിന്നാല്‍ വീണ്ടും ബി.ജെ.പി. അധികാരത്തില്‍വരും ഷാ അഭിപ്രായപ്പെട്ടു.

ബി.ജെ.പി ഭരിക്കുന്ന സംസ്ഥാനങ്ങളിലെ മുഖ്യമന്ത്രിമാര്‍, കേന്ദ്രമന്ത്രിമാര്‍, എം.പിമാര്‍ തുടങ്ങിയവരാണ് രണ്ടു ദിവസത്തെ യോഗത്തില്‍ പങ്കെടുത്തത്. ലോക്‌സഭാ തിരഞ്ഞെടുപ്പ് തന്ത്രങ്ങള്‍ ചര്‍ച്ച ചെയ്യുന്ന യോഗം നേതാക്കളും പ്രവര്‍ത്തകരും അടക്കം 12,000ത്തോളം പേരെ പങ്കെടുപ്പിച്ചാണ്.

തിരഞ്ഞെടുപ്പില്‍ സ്വീകരിക്കേണ്ട തന്ത്രങ്ങളും മദ്ധ്യപ്രദേശ്, ഛത്തീസ്ഗഡ്, രാജസ്ഥാന്‍ സംസ്ഥാനങ്ങളില്‍ ഭരണം കൈവിട്ടതും കൗണ്‍സില്‍ വിശദമായി ചര്‍ച്ച ചെയ്തു. ബി.ജെ.പി ദേശീയ തലത്തില്‍ ഉന്നയിക്കാന്‍ തീരുമാനിച്ച ശബരിമലയിലെ യുവതി പ്രവേശനമാണ് കൗണ്‍സിലിന്റെ മറ്റൊരു പ്രധാന വിഷയം. കേരളത്തിലെ എല്‍.ഡി.എഫ് സര്‍ക്കാരിനെതിരെയുള്ള പരാമര്‍ശവും പ്രമേയത്തില്‍ ഇടം പിടിച്ചേക്കും. അയോദ്ധ്യാ കേസ് 29ലേക്ക് മാറ്റിയ സുപ്രീംകോടതി തീരുമാനവും വിമര്‍ശന വിധേയമാകാന്‍ സാദ്ധ്യതയുണ്ട്. പ്രധാനമന്ത്രി നരേന്ദ്രമോദി രണ്ടു ദിവസവും രാംലീലാ മൈതാനിയിലെ യോഗ സ്ഥലത്ത് ക്യാമ്ബു ചെയ്യുന്നതിനാല്‍ പ്രധാനമന്ത്രിയുടെ ഓഫീസും താത്ക്കാലികമായി ഇവിടെ പ്രവര്‍ത്തിക്കുന്നു.

കേരളത്തില്‍ നിന്ന് സംസ്ഥാന അദ്ധ്യക്ഷന്‍ പി.എസ്. ശ്രീധരന്‍ പിള്ളയുടെ നേതൃത്വത്തില്‍ 150ഓളം പ്രതിനിധികളാണ് യോഗത്തില്‍ പങ്കെടുക്കുന്നത്. കോര്‍ കമ്മിറ്റി നേതാക്കളെല്ലാം പങ്കെടുക്കും. ലോക്‌സഭാ തിരഞ്ഞെടുപ്പില്‍ കേരളത്തില്‍ സ്വീകരിക്കേണ്ട തന്ത്രങ്ങളും യോഗം ചര്‍ച്ച ചെയ്യുമെന്ന് ശ്രീധരന്‍ പിള്ള പറഞ്ഞു. ഏറ്രവും ഒടുവില്‍ കോഴിക്കോടാണ് ദേശീയ കൗണ്‍സില്‍ ചേര്‍ന്നത്.