നരേന്ദ്രമോദിയുടെ നേതൃത്വത്തിലുള്ള ബി.ജെ.പി സര്ക്കാര് അധികാരത്തിലെത്തിയ ശേഷം ഭീകരാക്രമണങ്ങള് ഒന്നും ഉണ്ടായിട്ടില്ലെന്ന് നിര്മ്മല സീതാരാമന്
കേന്ദ്രത്തില് നരേന്ദ്രമോദിയുടെ നേതൃത്വത്തിലുള്ള ബി.ജെ.പി സര്ക്കാര് അധികാരത്തിലെത്തിയ ശേഷം വന് ഭീകരാക്രമണങ്ങള് ഒന്നും ഉണ്ടായിട്ടില്ലെന്ന് പ്രതിരോധമന്ത്രി നിര്മ്മല സീതാരാമന്. തീവ്രവാദികള്ക്ക് ഇന്ത്യന് മണ്ണില് കാലുകുത്താനുള്ള ഒരു സാഹചര്യവും ഉണ്ടായിട്ടില്ല. മോദിയുടെ ഭരണമികവിന് ഏറ്റവും വലിയ ഉദാഹരണമാണിതെന്നും അവര് പറഞ്ഞു.ഡല്ഹിയില് ബി.ജെ.പി ദേശീയ കൗണ്സില് യോഗത്തില് പങ്കെടുത്ത് സംസാരിക്കുകയായിരുന്നു പ്രതിരോധ മന്ത്രി.
നേരത്തെ പ്രവര്ത്തകരെ അഭിസംബോധന ചെയ്ത പ്രധാനമന്ത്രി നരേന്ദ്രമോദി രാജ്യത്തിന്റെ ചരിത്രത്തില് ആദ്യമായാണ് അഴിമതിയുടെ കറ പുരളാത്ത ഒരു സര്ക്കാര് അധികാരത്തിലേറുന്നതെന്ന് പറഞ്ഞിരുന്നു. മുമ്ബ് കേന്ദ്രം ഭരിച്ചിരുന്ന സര്ക്കാര് രാജ്യത്തെ ഇരുട്ടിലേക്ക് കൊണ്ടുപോയി. 2004 മുതല് 2014 വരെയുള്ള കാലയളവില് രാജ്യം അഴിമതിയിലൂടെയാണ് കടന്നുപോയതെന്നും അദ്ദേഹം കോണ്ഗ്രസിനെ വിമര്ശിച്ചിരുന്നു.
https://www.facebook.com/Malayalivartha
