ജമ്മു കശ്മീരില്‍ സൈന്യവുമായുണ്ടായ ഏറ്റുമുട്ടലില്‍ രണ്ട് തീവ്രവാദികള്‍ കൊല്ലപ്പെട്ടു. തീവ്രവാദി സംഘമായ അല്‍ ബാദല്‍ ഗ്രൂപ്പിലെ ഇംപ്രൊവൈസ്ഡ് എക്‌സ്‌പ്ലോസീവ് ഡിവൈസ് കൈകാര്യം ചെയ്യന്നതില്‍ വിദഗ്ധനായ സീനത്തുല്‍ ഇസ്‌ലാമും മറ്റൊരാളുമാണ് കൊല്ലപ്പെട്ടതെന്ന് പൊലീസ് അറിയിച്ചു. ദക്ഷിണ കശ്മീരിലെ കുല്‍ഗ്രാം ജില്ലയില്‍ കട്പുരയിലാണ് ഏറ്റുമുട്ടലുണ്ടായത്.
രഹസ്യവിവരത്തെ തുടര്‍ന്ന് പൊലീസ് നടത്തിയ തെരച്ചിലിനിടെ ശനിയാഴ്ച വൈകീട്ടായിരുന്നു ഏറ്റുമുട്ടല്‍ ആരംഭിച്ചത്. ആയുധങ്ങളും സ്‌ഫോടക വസ്തുക്കളും പ്രദേശത്തു നിന്ന് കണ്ടെത്തിയിട്ടുണ്ട്. മരിച്ച സീനത്തുല്‍ ഇസ്‌ലാം നേരത്തെ ഹിസ്ബുല്‍ മുജാഹിദ്ദീനുമായി ബന്ധപ്പെട്ട് പ്രവര്‍ത്തിച്ചിരുന്നുവെന്ന് പൊലീസ് പറഞ്ഞു.