അര്‍ധകുംഭമേള നടക്കുന്ന പ്രയാഗ്‌രാജ് രാഷ്ട്രപതി രാംനാഥ് കോവിന്ദ് നാളെ സന്ദര്‍ശിക്കും. മഹാഋഷി ഭരദ്വാജിന്റെ പ്രതിമ അനാച്ഛാദനം ചെയ്യുന്നതിനാണ് രാഷ്ട്രപതി പ്രയാഗ്‌രാജിലെത്തുന്നത്. 30 അടി ഉയരമുള്ള മഹാഋഷിയുടെ പ്രതിമ 30 ദിവസത്തിനുള്ളിലാണ് പൂര്‍ത്തിയാക്കിയത്. സര്‍ക്കാര്‍ നടത്തുന്ന 'ഹരിത കുംഭമേള' പരിപാടിയിലും രാഷ്ട്രപതി പങ്കെടുക്കും.
'സ്വച്ഛ് കുംഭ്, സുരക്ഷിത കുംഭ്' എന്ന തീമിലാണ് ഇത്തവണ കുംഭമേള നടത്തുന്നത്. എട്ട് ആഴ്ച നീണ്ടുനില്‍ക്കുന്ന കുംഭമേള മാര്‍ച്ച് നാലിനാണ് അവസാനിക്കുക. മേളയില്‍ പങ്കെടുക്കുന്നതിനായി ആത്മീയ സാമൂഹിക രാഷ്ട്രീയ രംഗത്തെ പ്രമുഖര്‍ ഉള്‍പ്പെടെ ലക്ഷകണക്കിന് തീര്‍ത്ഥാടകരാണ് എത്തുക.

തിവേണി സംഗമത്തിലെ പുണ്യ സ്‌നാനത്തിനും പ്രാര്‍ത്ഥനക്കും പൂജകള്‍ക്കുമായി 150 ദശലക്ഷം പേര്‍ പ്രയാഗ്‌രാജിലെത്തുമാണ് ഉത്തര്‍പ്രദേശ് സര്‍ക്കാറിന്റെ കണക്കുകൂട്ടല്‍. തീര്‍ത്ഥാടകര്‍ക്കായി പതിനായിരത്തോളം താല്‍ക്കാലിക ഇടത്താവളങ്ങളും പ്രത്യേക പാതകളും പന്തലുകളും പാലങ്ങളും സര്‍ക്കാര്‍ സജീകരിച്ചിട്ടുണ്ട്.