രാജ്യത്തെ സാങ്കേതിക വിദ്യാഭ്യാസ സ്ഥാപനങ്ങളിലെ അധ്യാപകര്‍ക്കും ജീവനക്കാര്‍ക്കും ഏഴാം ശന്പളക്കമ്മീഷന്‍ ശിപാര്‍ശ നടപ്പാക്കാന്‍ തീരുമാനിച്ചതായും കേന്ദ്ര മാനവ വിഭവ ശേഷി മന്ത്രി പ്രകാശ് ജാവഡേക്കര്‍ അറിയിച്ചു. സര്‍ക്കാര്‍, എയ്ഡഡ് സ്ഥാപനങ്ങളിലാണ് ഇതു നടപ്പാക്കുന്നത്. കേന്ദ്ര സര്‍ക്കാരിന് 1241.78 കോടി രൂപ ഇതിനു ചെലവുവരും. ശിപാര്‍ശ 1.1.2016 മുതല്‍ മുന്‍കാല പ്രാബല്യത്തോടെയാണു നടപ്പാക്കുന്നത്.
ഏഴാം ശന്പളക്കമ്മീഷന്‍ ശിപാര്‍ശ നടപ്പാക്കുന്ന സാങ്കേതിക വിദ്യാഭ്യാസ സ്ഥാപനങ്ങള്‍ക്ക് കുടിശിക കൊടുത്തു തീര്‍ക്കുന്നതിന് അന്പതു ശതമാനം തുക കേന്ദ്ര സര്‍ക്കാര്‍ നല്‍കും. സംസ്ഥാന സര്‍ക്കാര്‍ സാന്പത്തിക സഹായം നല്‍കുന്ന സാങ്കേതിക വിദ്യാഭ്യാസ സ്ഥാപനങ്ങളിലെ 29,264 അധ്യാപകര്‍ക്കും മറ്റ് അനധ്യാപക ജീവനക്കാര്‍ക്കും ഇതിന്റെ ഗുണം ലഭിക്കും. സ്വകാര്യ സ്ഥാപനങ്ങളിലെ 3.5 ലക്ഷം അധ്യാപകര്‍ക്കും അനധ്യാപകര്‍ക്കുമാണ് ഇതിന്റെ ഗുണഫലം ലഭിക്കുന്നത്.