അനിശ്ചിതകാല ബസ് സമരം; തൊഴിലാളികള്ക്ക് അന്ത്യശാസനവുമായി ബോംബെ ഹൈക്കോടതി
ഒന്പത് ദിവസമായി ബൃഹന്മുംബൈ ഇലക്ട്രിസിറ്റി സപ്ലൈ ആന്ഡ് ട്രാന്സ്പോര്ട്ട്(ബെസ്റ്റ്) തൊഴിലാളികള് നടത്തിവരുന്ന അനിശ്ചിതകാല സമരം ഒരു മണിക്കൂറിനുള്ളില് അവസാനിപ്പിക്കണമെന്ന് ബോംബെ ഹൈക്കോടതി. ജീവനക്കാര് ഉടന് ജോലിയില് പ്രവേശിക്കണമെന്നും കോടതി നിരീക്ഷിച്ചു.
ശന്പള വര്ധന ആവശ്യപ്പെട്ട് മുംബൈയില് 32,000 ബസ് തൊഴിലാളികളാണ് സമരം നടത്തുന്നത്. ശമ്ബള വര്ധനയ്ക്കു പുറമേ ബെസ്റ്റ് ബസ് ബജറ്റ് മുംബൈ മുനിസിപ്പല് കോര്പ്പറേഷന്റെ ബജറ്റുമായി ലയിപ്പിക്കുക, കോര്പ്പറേഷന് ജീവനക്കാരുടേതിന് തുല്യമായ ബോണസ് നല്കുക, സമരത്തെ തുടര്ന്ന് ജീവനക്കാര്ക്കെതിരെ എടുത്തിട്ടുള്ള കേസുകള് ഒഴിവാക്കുക തുടങ്ങി നിരവധി ആവശ്യങ്ങളും ഉന്നയിച്ചാണ് ജീവനക്കാര് അനിശ്ചിതകാല സമരം ആരംഭിച്ചത്. പണിമുടക്കില് സംസ്ഥാനത്തെ റോഡ് ഗതാഗതം താറുമാറായിരുന്നു. ഏകദേശം 25 ലക്ഷം യാത്രക്കാരെയാണ് പണിമുടക്ക് ബാധിച്ചത്.
https://www.facebook.com/Malayalivartha