കോണ്ഗ്രസിന്റെ പുലിക്കുട്ടി ഡി കെ ഇറങ്ങിക്കളിച്ചു. ഓപ്പറേഷന് താമരയെ ചുരുട്ടിക്കൂട്ടി. രാഷ്ട്രീയപ്രതിസന്ധികള്ക്കും കുതിരക്കച്ചവടത്തിനും ഒടുവില് അസാധാരണമായൊരു പോരാട്ടം ജയിച്ചു കയറിയ ആവേശത്തിലാണ് കോണ്ഗ്രസ് പ്രവര്ത്തകരും നേതാക്കളും
കോണ്ഗ്രസിന്റെ പുലിക്കുട്ടി ഡി കെ ഇറങ്ങിക്കളിച്ചു. ഓപ്പറേഷന് താമരയെ ചുരുട്ടിക്കൂട്ടി. രാഷ്ട്രീയപ്രതിസന്ധികള്ക്കും കുതിരക്കച്ചവടത്തിനും ഒടുവില് അസാധാരണമായൊരു പോരാട്ടം ജയിച്ചു കയറിയ ആവേശത്തിലാണ് കോണ്ഗ്രസ് പ്രവര്ത്തകരും നേതാക്കളും. തങ്ങളുടെ ചിഹ്നത്തില് മത്സരിച്ചു എം എല് എ മാരെ ബിജെപി റാഞ്ചാന് നടത്തിയ കടുത്ത പരീക്ഷണങ്ങളെ അതിജീവിച്ചു കോണ്ഗ്രസ്.
മോഹനവാഗ്ദാനങ്ങളും ചിലഘട്ടത്തില് ഭീഷണിതന്നെയും ഉപയോഗിച്ചെങ്കിലും മറുകണ്ടം ചാടുന്നത് തടയാന് പാര്ട്ടിക്ക് സാധിച്ചത് ഡി കെ ശിവകുമാര് എന്ന കരുത്തനായ നേതാവ് നടത്തിയ ചടുല നീക്കങ്ങള് മൂലമാണ്. എംഎല്എമാരെ വശത്താക്കി കര്ണാടകയിലെ കോണ്ഗ്രസ്ദള് സര്ക്കാരിനെ അട്ടിമറിക്കാന് ആരംഭിച്ച 'ഓപ്പറേഷന് താമര' നിര്ത്തിവച്ച് ബിജെപി. അട്ടിമറി നീക്കം പൊളിഞ്ഞത്, വിമതര്ക്കു കോണ്ഗ്രസ് മന്ത്രിസ്ഥാനം വാഗ്ദാനം ചെയ്യുകയും കര്ക്കശമായി കൈകാര്യം ചെയ്യുമെന്ന് മുന്നറിയിപ്പു നല്കുകയും ചെയ്തതോടെയാണ്. ഡി.കെ ശിവകുമാറാണ് ഈ സാഹചര്യത്തില് ഇത്തരത്തിലൊരു കൈവിട്ട കളിക്ക് മുതിര്ന്നത്.
അദ്ദേഹത്തിന്റെ സമയോചിതമായ ഇടപെടല് ബിജെപിയുടെ 'ഓപ്പറേഷന് താമരയെ പൊളിച്ചടുക്കി കയ്യില് കൊടുത്തു. വന്ന കാര്യം ഒരിക്കലും വിജയിക്കില്ലെന്നായതോടെ ഹരിയാന റിസോര്ട്ടില് നിന്നു ബിജെപി കര്ണാടക അധ്യക്ഷന് യെഡിയൂരപ്പ ബെംഗളൂരുവിലേക്കു മടങ്ങി. അവിടെ പാര്പ്പിച്ചിട്ടു ള്ള മറ്റു ബിജെപി എംഎല്എമാരും ഇന്നും നാളെയുമായി തിരിച്ചെത്തും. മുംബൈയിലെ റിനൈസന് ഹോട്ടലില് തങ്ങുന്ന 5 കോണ്ഗ്രസ് വിമതര്ക്കു നേതൃത്വം നല്കുന്ന രമേഷ് ജാര്ക്കിഹോളിയെ മുഖ്യമന്ത്രി കുമാരസ്വാമി നേരിട്ടുവിളിച്ചു മന്ത്രി സ്ഥാനം വാഗ്ദാനം ചെയ്തെന്നാണു വിവരം.
ജാര്ക്കിഹോളിക്കൊപ്പമുള്ള ശ്രീമന്ത് പാട്ടില്,മഹേഷ് കുമത്തല്ലി ബി.നാഗേന്ദ് , ഉമേഷ് ജാദവ് തുട ങ്ങിയവര് ഇന്നു പുലര്ച്ചെ ബെംഗളുരുവില് മടങ്ങിയെത്തുമെന്ന് എഐസിസി ജനറല് സെക്രട്ടറി കെ.സി വേണുഗോപാല് അറിയിച്ചു. മറ്റൊരു വിമതന് ഭീമ നായക് ഇന്നലെയെത്തി. സര്ക്കാരിനു പിന്തുണ പിന്വലിച്ച സ്വതന്ത എംഎല്എ നാഗേഷിനു ബോര്ഡ് ചെയര്മാന് സ്ഥാനം നല്കും. വിമതരെ അനുനയിപ്പിക്കാന് 5 കോണ്ഗ്രസ് മന്ത്രിമാര് സ്ഥാനത്യാഗത്തിനും തയ്യാറായതായി ഡി.കെ സുരേഷ് എംപി പറഞ്ഞു. മുതിര്ന്ന നേതാക്കളായ ഡി.കെ ശിവകുമാര്,കെ.ജെ ജോര്ജ് ,പിയങ്ക് ഖര്ഗെ,കൃഷ്ണ ബെരെഗൗഡ , സമീര് അഹമ്മദ് ഖാന് എന്നിവരാണു രാജിക്ക് ഒരുങ്ങിയതെങ്കിലും ഇവരെ ഒഴിവാക്കാന് ഇടയില്ലെന്നാണ് വിവരം .
https://www.facebook.com/Malayalivartha
