ജമ്മു കശ്മീരില്‍ തീവ്രവാദികളും സുരക്ഷാ സേനയും തമ്മിലുണ്ടായ വെടിവയ്പ്പില്‍ ആറു ഭീകരവാദികളും ഒരു സൈനികനും കൊല്ലപ്പെട്ടു. ജമ്മുവിലെ കുപ്‌വാര ജില്ലയില്‍ ഇന്ന് രാവിലെ മുതലാണ് വെടിവയ്പ്പ് തുടങ്ങിയത്. ഉച്ചയ്ക്ക് ഒരു മണിക്ക് ശേഷവും വെടിവയ്പ്പ് തുടരുകയാണ്.

നൗഗം സെക്ടറില്‍ നുഴഞ്ഞു കയറാന്‍ ശ്രമിച്ച ഭീകരവാദികളെയാണ് സൈന്യം വധിച്ചത്. ഇവരുമായുള്ള ഏറ്റുമുട്ടലിലാണ് ഒരു ജവാന്‍ കൊല്ലപ്പെട്ടത്. നാലു പേര്‍ക്ക് പരിക്കേറ്റിട്ടുണ്ട്. ഇന്നലെ ഇതേ സ്ഥലത്ത് നിയന്ത്രണ രേഖ വഴി നുഴഞ്ഞുകയറാന്‍ ശ്രമിച്ച മൂന്നു ഭീകരരെ സൈന്യം വെടിവച്ചുകൊന്നിരുന്നു.
ഭീകരരുടെ നീക്കം ഇന്ത്യന്‍ സൈനികരുടെ ശ്രദ്ധയില്‍പെട്ടതിനെ തുടര്‍ന്നുണ്ടായ ഏറ്റുമുട്ടലിലാണ് ഇവര്‍ കൊല്ലപ്പെട്ടത്. കുപ്‌വാര ജില്ലയിലെ അഞ്ചെണ്ണമടക്കം ജമ്മു കശ്മീരില്‍ 18 സീറ്റുകളില്‍ രണ്ടാംഘട്ട വോട്ടെടുപ്പു നടക്കുന്നതിനിടെയായിരുന്നു ഇന്നലത്തെ നുഴഞ്ഞുകയറ്റം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha