കാശ്മീരില് സൈനിക ക്യാമ്പിനു നേര്ക്ക് ആക്രമണത്തില് സൈനീകരുള്പ്പടെ 9 പേര് കൊല്ലപ്പെട്ടു
കാശ്മീരില് സൈനിക ക്യാമ്പിനു നേര്ക്കുണ്ടായ ഭീകരാക്രമണത്തില് 9 പേര് കൊല്ലപ്പെട്ടു. നിയന്ത്രണരേഖയ്ക്കു സമീപം ഉറിയിലാണ് ആക്രമണം നടന്നത്. അഞ്ച് സൈനികരും രണ്ട് പോലീസുകാരും രണ്ട് ഭീകരരും കൊല്ലപ്പെട്ടു. നിയന്ത്രണരേഖയിലൂടെ നുഴഞ്ഞുകയറിയാണ് വലിയ ആയുധ ശേഖരവുമായി ഭീകരര് ഉറിയിലെത്തിയത്.
പുലര്ച്ചെ മൂന്നരയോടെ ഉറി സെക്ടറിലെ മൊഹുറയിലാണ് ആക്രമണമുണ്ടായത്. വെടിയൊച്ച കേട്ട് സ്ഥലത്ത് ആദ്യമെത്തിയ പോലീസുകാര്ക്കു നേരെയാണ് ഭീകരര് ആദ്യം വെടിവച്ചത്. രണ്ടു പോലീസുകാരും സംഭവസ്ഥലത്തു വച്ചു തന്നെ കൊല്ലപ്പെട്ടു.
ആക്രമണം അവസാനിച്ചെങ്കിലും ഭീകരര്ക്കു വേണ്ടിയുള്ള തിരച്ചില് നടന്നുകൊണ്ടിരിക്കുകയാണെന്ന് സൈനീകവക്താവ് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha