തന്റെ മണ്ഡലത്തില്‍ ജാതീയതയ്ക്ക് സ്ഥാനമില്ലെന്ന് പ്രഖ്യാപിച്ച്‌ കേന്ദ്ര മന്ത്രി നിതിന്‍ ഗഡ്കരി രംഗത്ത്. ഞങ്ങള്‍ക്ക് ജാതീയതയില്‍ വിശ്വാസമില്ലെന്നും തന്റെ സ്ഥലത്ത് എത്ര ജാതിയുണ്ടെന്ന് പോലും എനിക്കറിയില്ലെന്നും മന്ത്രി കൂട്ടിച്ചേര്‍ത്തു. പുനെയിലെ പൊതുവേദിയില്‍ സംസാരിക്കുകയായുന്നു ഗഡ്കരി.

'ജാതി പറയുന്നവരെ വിലക്കണം.‌ ഞങ്ങള്‍ക്ക് ജാതിയില്‍ വിശ്വാസമില്ല,​ ആരെങ്കിലും ജാതി പറയുന്നുണ്ടെകില്‍ അവരെ അടിക്കണമെന്നും' മന്ത്രി കൂട്ടിച്ചേര്‍ത്തു. നിലവില്‍ നാഗ്പൂരില്‍ നിന്നുള്ള എം.പിയാണ് നിതിന്‍ ഗഡ്കരി. 'സമൂഹത്തില്‍ ജാതിയുടെയും വര്‍ഗീയതയുടെയും പിടിയില്‍ നിന്ന് ജനങ്ങളെ മോചിപ്പിക്കണം. ജാതിയുടെ പേരില്‍ ആരേടും വിവേചനം കാണിക്കുതെന്നും അദ്ദേഹം ആവശ്യപ്പെട്ടു.

'നമ്മുടെ സമൂഹത്തില്‍ പാവപ്പെട്ടവനെന്നും പണക്കാരെനെന്നും സവര്‍ണനെന്നും അവര്‍ണനെന്നുമുള്ള വിവേചനം പാടില്ല. പാവപ്പെട്ടവന് ഭക്ഷണവും വസ്തങ്ങളും നല്‍കി സഹായിക്കണം'. പാവപ്പെട്ടവരെ സഹായിക്കുന്നത് ദെെവത്തെ സഹായിക്കുന്നതിന് തുല്യമാണെന്നും മന്ത്രി പറഞ്ഞു.

ബി.ജെ.പി നേതാക്കള്‍ രാഷ്ട്രീയ നേട്ടത്തിന് വേണ്ടി ജാതി പറയുന്ന സാഹചര്യത്തിലാണ് മന്ത്രിയുടെ പ്രസംഗം. ബി.ജെ.പിയുടെ മുന്‍ എം.പിയായിരുന്ന സാവിത്രി ബാഫുലെ ഹനുമാന്‍ ദളിതനായിരുന്നെന്ന് അഭിപ്രായപ്പെട്ടിരുന്നു. മുമ്ബ് സ്വന്തം 'വീട് നോക്കാനാവാത്തവര്‍ക്ക് രാജ്യം നോക്കാനാവില്ലെന്നായിരുന്നു' എന്ന ഗ‌ഡ്കരിയുടെ പ്രസ്താവന വാദമായിരുന്നു.