തെരഞ്ഞെടുപ്പ് പ്രചാരണത്തേക്കാള് പ്രധാനം വിദ്യാര്ഥികളുടെ പഠനമെന്ന് സുപ്രീം കോടതി; സ്കൂള് പരിസരങ്ങളില് മൈക്കും ഉച്ചഭാഷിണിയും നിരോധിച്ച സര്ക്കാര് നടപടി സുപ്രീം കോടതി ശരിവച്ചു
തെരഞ്ഞെടുപ്പ് പ്രചാരണത്തേക്കാള് പ്രധാനം വിദ്യാര്ഥികളുടെ പഠനമാണെന്ന് സുപ്രീം കോടതി. ജനവാസ മേഖലകളിലും സ്കൂള് പരിസരങ്ങളിലും മൈക്കും ഉച്ചഭാഷിണിയും ഉപയോഗിക്കുന്നതു നിയന്ത്രണമേര്പ്പെടുത്തിയ സര്ക്കാര് നടപടി ശരിവെച്ച് സുപ്രീം കോടതി. പശ്ചിമ ബംഗാള് സര്ക്കാരിന്റെ തീരുമാനമാണ് സുപ്രീം കോടതി ശരിവെച്ചത്.
നടപടിക്കെതിരേ ബിജെപി നല്കിയ ഹര്ജി സുപ്രീം കോടതി തള്ളി. കുട്ടികള് പഠിക്കട്ടെയെന്നും തെരഞ്ഞെടുപ്പ് പ്രചാരണത്തേക്കാള് പ്രധാനം വിദ്യാര്ഥികളുടെ പഠനമാണെന്നും ചീഫ് ജസ്റ്റീസ് രഞ്ജന് ഗൊഗോയി അധ്യക്ഷനായ ബെഞ്ച് നിരീക്ഷിച്ചു.
മൈക്കും ഉച്ചഭാഷിണിയും പ്രവര്ത്തിപ്പിക്കുന്നതിനു വിലക്കേര്പ്പെടുത്തി 2013ലാണ് ബംഗാള് മലിനീകരണ നിയന്ത്രണ ബോര്ഡ് ഉത്തരവ് പുറപ്പെടുവിച്ചത്. വിദ്യാര്ഥികളുടെ പരീക്ഷാകാലം കണക്കിലെടുത്ത് ഫെബ്രുവരി, മാര്ച്ച് മാസങ്ങളിലാണ് വിലക്കുള്ളത്. തങ്ങളുടെ തെരഞ്ഞെടുപ്പ് പ്രചാരണ പരിപാടികള് തടസപ്പെടുത്താനാണ് ബംഗാള് സര്ക്കാര് നിയമം കൊണ്ടുവന്നതെന്നായിരുന്നു ബിജെപിയുടെ വാദം.
https://www.facebook.com/Malayalivartha
