ആത്മഹത്യയ്ക്ക് ശ്രമിച്ച് പരാജയപ്പെടുന്നവര്‍ക്ക് ഇനി മുതല്‍ ശിക്ഷ ലഭിക്കുമെന്ന പേടി വേണ്ട. ആത്മഹത്യാശ്രമം കുറ്റകരമാക്കുന്ന ഇന്ത്യന്‍ ശിക്ഷാ നിയമത്തിലെ മൂന്നുറ്റി ഒമ്പതാം വകുപ്പ് കേന്ദ്ര സര്‍ക്കാര്‍ റദ്ദാക്കും. നിയമകമ്മിഷന്‍ ശുപാര്‍ശ പ്രകാരമാണ് നടപടിയെന്ന് കേന്ദ്ര ആഭ്യന്തര മന്ത്രി രാജ്‌നാഥ് സിംഗ് പാര്‍ലമെന്റില്‍ രേഖാമൂലം അറിയിച്ചു. ഈ തീരുമാനത്തിന് 18 സംസ്ഥാന സര്‍ക്കാരുകളുടേയും നാല് കേന്ദ്ര ഭരണപ്രദേശങ്ങളുടെയും അംഗീകാരമുണ്ടെന്നും കേന്ദ്രം വ്യക്തമാക്കി.
ആത്മഹത്യാശ്രമം കുറ്റകരമാക്കുന്ന ഇന്ത്യന്‍ ശിക്ഷാ നിയമത്തിലെ വകുപ്പ് മനുഷ്യത്വമില്ലാത്തതാണെന്ന് നിയമ കമ്മിഷന്‍ റിപ്പോര്‍ട്ടില്‍ ചൂണ്ടിക്കാട്ടിയിരുന്നു.