തെരഞ്ഞെടുപ്പില്‍ എത്ര നോക്കീട്ടും ബി ജെ പിക്കെതിരെ ഒരായുധവും ഇല്ലാത്തതു കൊണ്ടാണോ രാഹുല്‍ ഇപ്പോള്‍ സ്മ്യതി ഇറാനിയെ തപ്പിപിടിച്ചിരിക്കുന്നത്. കോണ്‍ഗ്രസ് വിട്ട് നോതാക്കള്‍ എല്ലാം ബി ജെ പിയില്‍ ചേര്‍ന്നപ്പോള്‍ രാഹുല്‍ പിടിവിട്ടിരക്കുകയാണ്. പ്രാദേശികവികസനത്തിനുള്ള എം.പി. ഫണ്ടില്‍ കേന്ദ്രമന്ത്രി സ്മൃതി ഇറാനി വന്‍ക്രമക്കേട് നടത്തിയതായി കോണ്‍ഗ്രസ് ആരോപിക്കുന്നു. ഗുജറാത്തില്‍നിന്നുള്ള രാജ്യസഭാംഗമായ സ്മൃതി, ആനന്ദ് ജില്ലയില്‍ നടപ്പാക്കിയ വികസനപ്രവര്‍ത്തനങ്ങളില്‍ അഴിമതി നടന്നതായി കണ്‍ട്രോളര്‍ ആന്‍ഡ് ഓഡിറ്റര്‍ ജനറലിന്റെ റിപ്പോര്‍ട്ടുണ്ടെന്ന് കോണ്‍ഗ്രസ് പറഞ്ഞു. രാജിവെക്കണമെന്ന് കോണ്‍ഗ്രസ് ആവശ്യപ്പെട്ടു. മന്ത്രിക്കെതിരേ അഴിമതിനിരോധന നിയമപ്രകാരം കേസെടുക്കണമെന്നും കോണ്‍ഗ്രസ് വക്താക്കളായ ശക്തി സിങ് ഗോയലും രണ്‍ദീപ് സിങ് സുര്‍ജേവാലയും വാര്‍ത്താസമ്മേളനത്തില്‍ ആവശ്യപ്പെട്ടു. സന്നദ്ധസംഘടനയ്ക്ക് വഴിവിട്ട രീതിയില്‍ നല്‍കിയ 84.53 ലക്ഷം രൂപയുള്‍പ്പെടെ 5.93 കോടി രൂപയുടെ പണികള്‍ ടെന്‍ഡറില്ലാതെയാണ് നല്‍കിയതെന്ന് സി.എ.ജി. റിപ്പോര്‍ട്ടില്‍ പറയുന്നു.

എം.പി.മാരുടെ പ്രാദേശികവികസന പദ്ധതികള്‍ സര്‍ക്കാര്‍ ഉത്തരവിന്റെ അടിസ്ഥാനത്തില്‍ ഗുജറാത്ത് ഗ്രാമീണവികസന സഹകരണസംഘമാണ് നടത്തിയിരുന്നത്. 2015 ഓഗസ്റ്റ് 19ന് ഇത് നിര്‍ത്തി. പദ്ധതികളുടെ നടത്തിപ്പ് മന്ത്രിയുടെ പി.എ.യുടെ നിര്‍ദേശപ്രകാരം ഖേഡയിലെ ശാരദ മസ്ദൂര്‍ കംധാര്‍ സഹകരണ സൊസൈറ്റിക്ക് നല്‍കി. ബി.ജെ.പി. അംഗങ്ങള്‍ മാത്രമുള്ള സ്ഥാപനമാണിത്.എം.പി. നിര്‍ദേശിക്കുന്ന പണികള്‍ നടപ്പാക്കാനുള്ള ഏജന്‍സിയെ തിരഞ്ഞെടുക്കേണ്ടത് ജില്ലാ ഭരണകൂടമാണ്. കേന്ദ്രസംസ്ഥാന സര്‍ക്കാരുകളുടെ നിര്‍ദേശങ്ങള്‍ക്ക് വിധേയമായിട്ടാവണം ഇത്. സര്‍ക്കാര്‍പഞ്ചായത്ത് സംവിധാനങ്ങളെയാണ് നിര്‍മാണത്തിന് ആശ്രയിക്കേണ്ടത്. പണി നടത്താനുള്ള അധികാരിയെ തിരഞ്ഞെടുക്കാന്‍ എം.പി.ക്കാവില്ല. അഴിമതി തടയുക എന്ന ലക്ഷ്യത്തോടെയാണ് ഈ നിയമം. നിയമം ഇങ്ങനെയായിരിക്കേയാണ് സ്മൃതി സ്വന്തം താത്പര്യപ്രകാരം സഹകരണസ്ഥാപനത്തിന് പ്രവൃത്തി നല്‍കിയത്.പഞ്ചായത്തുകെട്ടിടം മോടിപിടിപ്പിച്ചതിന് 2016ല്‍ ശാരദ സഹകരണസംഘം 45.20 ലക്ഷം ആവശ്യപ്പെട്ടു. കെട്ടിടം നന്നാക്കാന്‍ തൊട്ടുമുമ്പത്തെ വര്‍ഷം പണമനുവദിച്ചതാണ്. ഒമ്പത് ഗ്രാമങ്ങളിലെ വിവിധ വികസനപ്രവര്‍ത്തനങ്ങളുടെ പേരില്‍ വേറെയും ബില്ലുകള്‍ നല്‍കി. ഇവിടെയൊന്നും പണി നടന്നില്ല. പണി നടന്നതിന്റെ രേഖകള്‍ പഞ്ചായത്തിലോ നഗരസഭകളിലോ ഇല്ല. ക്രമക്കേടും അഴിമതിയും ചൂണ്ടിക്കാട്ടി ആനന്ദിലെ കളക്ടര്‍ 2017 ജൂണ്‍ 20ന് പൊതുഭരണ ഡെപ്യൂട്ടി സെക്രട്ടറിക്ക് കത്തെഴുതി. 2018ലെ സി.എ.ജി. റിപ്പോര്‍ട്ടില്‍ ശാരദ സൊസൈറ്റിക്ക് ടെന്‍ഡറില്ലാതെ 232 പണികള്‍ നല്‍കിയതായും കത്തില്‍ കുറ്റപ്പെടുത്തി സുര്‍ജേവാല പറഞ്ഞു.