ചൈനയ്ക്ക് ഉടന് പിടിവീഴും; ഇനി രക്ഷയില്ല; മസൂദ് അസ്ഹറിനെ രക്ഷപ്പെടുത്തിയ ചൈനയ്ക്കെതിരെ ലോകരാജ്യങ്ങള്
മസൂദ് അസ്ഹറിനെ രക്ഷപ്പെടുത്തിയ ചൈനയ്ക്കെതിരെ ലോകരാജ്യങ്ങള്. പാക്ക് ഭീകരസംഘടനയായ ജയ്ഷെ മുഹമ്മദിന്റെ തലവന് മസൂദ് അസ്ഹറിനെ ആഗോള ഭീകര പട്ടികയില് ഉള്പ്പെടുത്താനുള്ള നീക്കം തടഞ്ഞ ചൈനയ്ക്കെതിരെ ലോകരാജ്യങ്ങളുടെ പ്രതിഷേധം ഓരോ ദിവസം കഴിയും തോറും ശക്തമാവുകയാണ്. ഈ നിലപാട് തുടരുകയാണെങ്കില് മറ്റു നടപടികള് സ്വീകരിക്കാന് ഐക്യരാഷ്ട്ര സംഘടനയുടെ യുഎന് രക്ഷാസമിതി അംഗങ്ങള് നിര്ബന്ധിതരാകുമെന്ന് നയതന്ത്ര പ്രതിനിധികള് മുന്നറിയിപ്പു നല്കി.
ഭീകരവാദികളെ സംരക്ഷിക്കാന് പാക്കിസ്ഥാന് ചൈനയുടെ സഹായം തേടുകയാണെന്നും ഉത്തരവാദിത്തം നിര്വഹിക്കുന്നതില് നിന്നു രക്ഷാസമിതിയെ തടയുകയാണ് ചൈന ചെയ്യുന്നതെന്നും നയതന്ത്ര പ്രതിനിധികള് ആരോപിച്ചു. മേഖലയില് സ്ഥിരതയും സമാധാനവും ഉറപ്പുവരുത്താനുള്ള ശ്രമങ്ങള്ക്കെതിരാണു ചൈനയുടെ നടപടിയെന്ന് യുഎസും ആരോപിച്ചു. ചൈനയുമായി വ്യാപാര ഇടപാടുകള് നടത്തുന്നതില് നിന്ന് ഇന്ത്യന് വ്യവസായികള് പിന്മാറണമെന്ന് ദി അമേരിക്കന് ഇന്ത്യ പബ്ലിക് അഫയേഴ്സ് കമ്മിറ്റി ആവശ്യപ്പെട്ടു. അസ്ഹറിനെതിരെ രക്ഷാ സമിതിയില് യുഎസ്, യുകെ, ഫ്രാന്സ് എന്നീ രാജ്യങ്ങള് കൊണ്ടുവന്ന പ്രമേയമാണ് അവസാന മണിക്കൂറില് ചൈന വീറ്റോ അധികാരം ഉപയോഗിച്ച് തടഞ്ഞത്. എതിര്പ്പ് അറിയിക്കാനുള്ള സമയപരിധി അവസാനിക്കുന്നതിന് ഒരു മണിക്കൂര് മുന്പായിരുന്നു ഇത്. നാലാം തവണയാണു ചൈന ഭീകരനെതിരെയുള്ള നീക്കം തടയുന്നത്. ചൈനയുടെ നടപടിയില് നിരാശയുണ്ടെന്ന് ഇന്ത്യയുടെ വിദേശകാര്യ മന്ത്രാലയം വ്യക്തമാക്കി. ഇതേ സമയം, പ്രശ്നത്തിന് ശാശ്വതവും എല്ലാവര്ക്കും സ്വീകാര്യവുമായ പരിഹാരം കണ്ടെത്താന് നടപടി സഹായിക്കുമെന്ന് ചൈന ന്യായീകരിച്ചു. യുഎസ് ദേശീയ സുരക്ഷാ ഉപദേഷ്ടാവ് ജോണ് ബോള്ട്ടന് വിദേശകാര്യ സെക്രട്ടറി വിജയ് ഗോഖലെയുമായി ചര്ച്ച നടത്തി. ഭീകര സംഘടനകള്ക്കും നേതാക്കള്ക്കുമെതിരെ ശക്തമായ നടപടികള് സ്വീകരിക്കാന് പാക്കിസ്ഥാന് തയ്യാറാവണമെന്ന് ഇരുവരും ആവശ്യപ്പെട്ടു.
https://www.facebook.com/Malayalivartha
