ബഹിരാകാശ ശാസ്ത്രജ്ഞന് നമ്പി നാരായണനും പുരാവസ്തു ഗവേഷകന് കെ.കെ മുഹമ്മദ് അടക്കമുള്ള മലയാളികള് പത്മ പുരസ്കാരങ്ങള് ഏറ്റുവാങ്ങി
ബഹിരാകാശ ശാസ്ത്രജ്ഞന് നമ്പി നാരായണനും പുരാവസ്തു ഗവേഷകന് കെ.കെ മുഹമ്മദ് അടക്കമുള്ള മലയാളികള്ക്ക് പത്മ പുരസ്കാരങ്ങള് സമ്മാനിച്ചു. രാഷ്ട്രപതി ഭവനില് നടന്ന ചടങ്ങില് രാഷ്ട്രപതി രാംനാഥ് കോവിന്ദാണ് പുരസ്കാരങ്ങള് വിതരണം ചെയ്തത്. നമ്പി നാരായണന് പത്മഭൂഷണ് പുരസ്കാരവും കെ.കെ മുഹമ്മദ് പത്മശ്രീയും ഏറ്റുവാങ്ങി.
നാടന് പാട്ടുകാരി തേജന് ബായ്ക്ക് പത്മവിഭൂഷണും ഭക്ഷ്യ സംസ്കരണ കമ്പനിയായ എം.ഡി.എച്ചിന്റെ ഉടമ മഹാഷായ് ദരംപാല് ഗുലാത്തി, പര്വ്വതാരോഹക ബചേന്ദ്രി പാല് എന്നിവര്ക്ക് പത്മഭൂഷണും സമ്മാനിച്ചു.നടന് മനോജ് ബാജ്പേയ്, തബല വിദ്വാന് സ്വപന് ചൗധരി, ഫുട്ബാള് താരം സുനില് ഛേത്രി, അമ്പെയ്ത് താരം ബൊംബയ് ല ദേവി ലെയ്ഷ്രം, മുന് ക്രിക്കറ്റ് താരം ഗൗതം ഗംഭീര്, പൊതുപ്രവര്ത്തകന് എച്ച്.എസ് ഫൂഡ, ബാസ്കറ്റ് ബാള് താരം പ്രശാന്തി സിങ്, തേയില വ്യാപാരി ഡി. പ്രകാശ് റാവു എന്നിവര് പത്മശ്രീയും ഏറ്റുവാങ്ങി.
പത്മ പുരസ്കാരങ്ങളുടെ രണ്ടാം ഘട്ട വിതരണമാണ് ഇന്ന് നടന്നത്. മാര്ച്ച് 11ന് നടന്ന ചടങ്ങില് 112 പുരസ്കാര ജേതാക്കളില് 56 പേര്ക്കാണ് ആദ്യ ഘട്ടത്തില് പുരസ്കാരങ്ങള് നല്കിയത്. നടന് മോഹന്ലാല്, സര്ദാര് സുഖ്ദേവ് സിങ് ദിന്ദ്സ, ഹുകും ദേവ് നാരായണ്, അന്തരിച്ച മുതിര്ന്ന മാധ്യമപ്രവര്ത്തകന് കുല്ദീപ് നയ്യാര്ക്ക് വേണ്ടി ഭാര്യ ഭാരതി നയ്യാര് തുടങ്ങിയവര് പത്മഭൂഷണ് പുരസ്കാരങ്ങള് ഏറ്റുവാങ്ങി.
https://www.facebook.com/Malayalivartha
