മധ്യപ്രദേശില്‍ ബിഎസ്പി വിട്ട് കോണ്‍ഗ്രസില്‍ ചേര്‍ന്ന ദേവേന്ദ്ര ചൗരസ്യയെ ഒരു സംഘം ആളുകള്‍ അടിച്ചുകൊന്നു.വെള്ളിയാഴ്ച നടന്ന ആക്രമണത്തില്‍ ചൗരസ്യയുടെ മകന് ഗുരുതര പരിക്കേല്‍ക്കുകയും ചെയ്തു. മധ്യപ്രദേശിലെ ദമോയിലായിരുന്നു സംഭവം നടന്നത്.

പോലീസ് കേസെടുത്ത് അന്വേഷണം ആരംഭിച്ചു. കൊലപാതകവുമായി ബന്ധപ്പെട്ട് ദമോ പത്താരിയ മണ്ഡലത്തിലെ സിറ്റിങ് എംഎല്‍എ രാം ഭായിയുടെ ഭര്‍ത്താവ് ഗോവിന്ദ് സിങ് ഉള്‍പ്പെടെ ഏഴുപേര്‍ക്കെതിരെ കേസെടുത്തു.

ഇരുമ്പ് ദണ്ഡുകളുപയോഗിച്ചാണ് അക്രമികള്‍ ചൗരസ്യയേയും മകനെയും ആക്രമിച്ചത്. സംഭവത്തിന് പിന്നാലെ പ്രദേശത്ത് സംഘര്‍ഷം പൊട്ടിപ്പുറപ്പെട്ടു.മൂന്ന് ദിവസത്തിന് മുമ്പാണ് ചൗരസ്യ കോണ്‍ഗ്രസില്‍ ചേര്‍ന്നത്. പ്രതി ചേര്‍ക്കപ്പെട്ടവര്‍ ഒളിവിലാണ്‌. ഇവര്‍ക്കായി പോലീസ് തിരച്ചിലാരംഭിച്ചിട്ടുണ്ട്.