രാഹുലിന് കട്ടക്കുള്ള മോദിയുടെ മറുപടി; മോദിമാരെല്ലാം കള്ളന്മാരാണെന്ന രാഹുല് ഗാന്ധിയുടെ പ്രസ്താവനയ്ക്ക് ജാതിയുമായി ബന്ധപ്പെട്ട വ്യാഖ്യാനം നല്കി നരേന്ദ്രമോദിയുടെ തിരിച്ചടി
മോദിമാരെല്ലാം കള്ളന്മാരാണെന്ന രാഹുല് ഗാന്ധിയുടെ പ്രസ്താവനയ്ക്ക് ജാതിയുമായി ബന്ധപ്പെട്ട വ്യാഖ്യാനം നല്കി നരേന്ദ്രമോദിയുടെ തിരിച്ചടി. 'എന്തുകാെണ്ട് എല്ലാ മോദിമാരും കള്ളന്മാരായി' എന്ന പരാമര്ശം നടത്തിയ രാഹുല് താന് അംഗമായ പിന്നാക്ക സമുദായത്തെ അപകീര്ത്തിപ്പെടുത്തുകയാണ് ചെയ്തതെന്ന് മഹാരാഷ്ട്രയില് നടന്ന ഒരു തിരഞ്ഞെടുപ്പ് പ്രചാരണ യോഗത്തില് മോദി പറഞ്ഞു.ക്ഷികളും പറയുന്നത് സമൂഹത്തിലെ എല്ലാ മോദിമാരും കള്ളന്മാരാണെന്നാണ്. ഞാന് ഉള്പ്പെടുന്ന പിന്നാക്ക സമുദായത്തെ അവഹേളിക്കാനുള്ള ഒരു അവസരവും അവര് പാഴാക്കുന്നില്ല. ഇത്തവണ എല്ലാ സീമകളും ലംഘിച്ച് എല്ലാ പിന്നാക്ക സമുദായങ്ങളെയും അപകീര്ത്തിപ്പെടുത്തിയിരിക്കുകയാണ്.' -മോദി വിശദീകരിച്ചു.
'കാവല്ക്കാരന് കള്ളനാണ് (ചൗക്കീദാര് ചോര് ഹെ) എന്ന മുദ്രാവാക്യമാണ് ആ 'നാടുവാഴി' (രാഹുല്ഗാന്ധി) ആദ്യം മുഴക്കിയത്. ഇപ്പോള് പിന്നാക്ക സമുദായമായ മോദി സമൂഹത്തെ ഒന്നടങ്കം അപമാനിച്ചിരിക്കുന്നു. പിന്നാക്ക സമുദായക്കാരന് എന്ന നിലയില് ഒട്ടേറെ ദുരിതം അനുഭവിച്ചിട്ടുള്ള ഒരാളാണ് ഞാന്. കോണ്ഗ്രസ് വര്ഷങ്ങളായി ഞാന് ഉള്പ്പെട്ട പിന്നാക്ക സമുദായത്തെ അവഹേളിച്ചുകൊണ്ടിരിക്കുകയാണ്' മോദി വ്യക്തമാക്കി.
ജാതിയുടെ പേരിലുള്ള ആക്ഷേപങ്ങള് നേരിടുന്നത് എനിക്ക് ശീലമായി മാറിയിട്ട് വര്ഷങ്ങളായി. എന്നാല് എന്നെ പ്രതിയാക്കി മുഴുവന് പിന്നാക്ക സമുദായത്തെയും നിന്ദിക്കുകയാണ് ഇപ്പോള് ചെയ്തിരിക്കുന്നത്. ഇത് ഞാന് സഹിക്കില്ല'-വികാര വിക്ഷോഭത്തോടെ മോദി വ്യക്തമാക്കി.
രാഹുല്ഗാന്ധി പറഞ്ഞത് ഏപ്രില് 13ന് എല്ലാ കള്ളന്മാരുടെയും പേരില് മോദി എന്നുണ്ട്. നീരവ് മോദി, ലളിത് മോദി, നരേന്ദ്ര മോദി. എന്താണ് ഈ കള്ളന്മാര്ക്കെല്ലാം മോദി എന്നു പേരു വരുന്നത്.ഇനിയും തിരഞ്ഞാല് കൂടുതല് മോദിമാരുടെ പേരുകള് പുറത്തുവരും. കാവല്ക്കാരന് 100 ശതമാനവും കള്ളനാണ്. മോദിക്കിഷ്ടം ചങ്ങാത്ത മുതലാളിത്തമാണ്.റാഫേലിന്റെ പേരില് മുപ്പതിനായിരം കോടി മോഷ്ടിച്ച പ്രധാനമന്ത്രി സുഹൃത്തായ അനില് അംബാനിക്ക് സമ്മാനിച്ചു.
https://www.facebook.com/Malayalivartha