വീണ്ടും ഞെട്ടിച്ച് സുഷമ സ്വരാജ്; ആത്മഹത്യയെക്കുറിച്ച് ചിന്തിക്കുകയേ വേണ്ട; ആശ്രയമറ്റ പ്രവാസിയ്ക്ക് ആശ്വാസമായി സുഷമ സ്വരാജ്
ഞങ്ങളുണ്ട് ഒപ്പം. ആത്മഹത്യയെക്കുറിച്ച് ചിന്തിക്കുകയേ വേണ്ട. ആശ്രയമറ്റ പ്രവാസിയ്ക്ക് ആശ്വാസമായി സുഷമ സ്വരാജ്. മനസ്സ് നിറയെ പ്രതീക്ഷകളുമായി ഗള്ഫിലേയ്ക്ക് പറക്കുകയും,ഒടുവില് ആശ്രയമറ്റ് മരണത്തില് അഭയം കണ്ടെത്താന് തുനിയുകയും ചെയ്ത പ്രവാസി ഇന്ത്യക്കാരന് ആശ്വാസമായി വിദേശകാര്യമന്ത്രി സുഷമ സ്വരാജ്. സൗദിയില് നിന്ന് ഇന്ത്യയിലേയ്ക്ക് മടങ്ങാന് കഴിയാതെ വലയുന്ന അലി എന്നയാള്ക്കാണ് സുഷമയുടെ സാന്ത്വനം.
കഴിഞ്ഞ 21 മാസമായി സൗദിയില് ജോലി ചെയ്യുന്ന അലി ഇതുവരെ ഒരു അവധി പോലും എടുത്തിരുന്നില്ല. എന്നെ സഹായിക്കാന് താങ്കള്ക്ക് കഴിയുമോ,അതോ ഞാന് ജീവനൊടുക്കണോ ? കഴിഞ്ഞ 12 മാസമായി ഞാന് എംബസിയുടെ സഹായം തേടുകയാണ്.എന്നെ ഇന്ത്യയിലേയ്ക്ക് അയച്ചാല് അതു വലിയ സഹായകമാകും.എനിക്ക് നാലു മക്കളുണ്ട് ' ഇതായിരുന്നു അലിയുടെ ട്വീറ്റ്.
ഇതു കണ്ടയുടന് സുഷമ സ്വരാജ് മറുപടി നല്കി. ആത്മഹത്യയെ കുറിച്ച് ചിന്തിക്കേണ്ടതില്ല,ഞങ്ങളില്ലെ,ഞങ്ങളുടെ എംബസി താങ്കള്ക്ക് എല്ലാ സഹായവും ഉടന് ചെയ്തു നല്കും '. സുഷമ ട്വീറ്റ് ചെയ്തു.കൂടാതെ റിയാദിലെ ഇന്ത്യന് എംബസിയോട് അലിയുടെ അപേക്ഷയില് ഉടന് നടപടി സ്വീകരിക്കാനും നിര്ദേശം നല്കി.
എംബസി വിസയുടെ കോപ്പിയും,ഫോണ് നമ്പറും ആവശ്യപ്പെട്ടെങ്കിലും അലിയുടെ പക്കല് തിരിച്ചറിയല് രേഖകളോ,വിസയുടെ കോപ്പിയോ ഉണ്ടായിരുന്നില്ല.മാത്രമല്ല സൗദിയില് തൊഴിലാളികള്ക്ക് നല്കുന്ന ഇക്കാമ മാത്രമാണ് നിലവില് പക്കല് ഉള്ളതെന്ന് അലി എംബസിയെ അറിയിച്ചിട്ടുണ്ട്. ഇതേ തുടര്ന്ന് നടപടികള് സങ്കീര്ണ്ണമാണെങ്കിലും സൗദി വിദേശകാര്യമന്ത്രാലയവുമായി ബന്ധപ്പെട്ട് അലിയെ നാട്ടില് എത്തിക്കാനുള്ള നീക്കം നടത്തുകയാണ് എംബസി അധികൃതര്.
https://www.facebook.com/Malayalivartha