ലോക്‌സഭാ തെരഞ്ഞെടുപ്പിനുശേഷം എന്‍ഡിഎയ്‌ക്കോ യുപിഎയ്‌ക്കോ സര്‍ക്കാര്‍ രൂപീകരിക്കാന്‍ ഭൂരിപക്ഷം ലഭിക്കില്ലെന്ന് പശ്ചിമബംഗാള്‍ മുഖ്യമന്ത്രി മമത ബാനര്‍ജി
ലോക്‌സഭാ തെരഞ്ഞെടുപ്പിനുശേഷം എന്‍ഡിഎയ്‌ക്കോ യുപിഎയ്‌ക്കോ സര്‍ക്കാര്‍ രൂപീകരിക്കാന്‍ ഭൂരിപക്ഷം ലഭിക്കില്ലെന്ന് പശ്ചിമബംഗാള്‍ മുഖ്യമന്ത്രി മമത ബാനര്‍ജി. അടുത്ത സര്‍ക്കാര്‍ രൂപീകരണത്തില്‍ ബംഗാളും ഉത്തര്‍പ്രദേശും കിംഗ് മേക്കര്‍ സംസ്ഥാനങ്ങളായി മാറുമെന്നും മൂന്നാം മുന്നണി അധികാരത്തിലെത്തുമെന്നും മമത പറഞ്ഞു. ബംഗാളിലെ 42 സീറ്റും തൃണമൂല്‍ കോണ്‍ഗ്രസ് നേടും.
ഉത്തര്‍പ്രദേശിലെ 80 സീറ്റുകളിലും മൂന്നാം മുന്നണി രൂപീകരിക്കുന്ന വിധത്തിലായിരിക്കും ഫലം വരുക. ഈ രണ്ട് സംസ്ഥാനങ്ങളും ചേര്‍ന്നാകും സര്‍ക്കാര്‍ രൂപീകരിക്കുക. പ്രാദേശീക പാര്‍ട്ടികള്‍ ശക്തരാണെന്നും അവര്‍ പറഞ്ഞു. ആന്ധ്രപ്രദേശ്, തെലുങ്കാന, തമിഴ്‌നാട് എന്നിവിടങ്ങളില്‍ ബിജെപിക്ക് ഒരു സീറ്റ് പോലും ലഭിക്കില്ല.
പഞ്ചാബ്, ഡല്‍ഹി, രാജസ്ഥാന്‍, മധ്യപ്രദേശ്, ഛത്തീസ്ഗഡ് എന്നിവിടങ്ങളിലും ബിജെപിക്ക് തിരിച്ചടി നേരിടുമെന്നും മമത പറഞ്ഞു. പുതിയ ഒരു സഖ്യമായിരിക്കും ഇത്തവണ സര്‍ക്കാര്‍ രൂപീകരിക്കുന്നതെന്നും മമത കൂട്ടിച്ചേര്‍ത്തു.
https://www.facebook.com/Malayalivartha
