മാര്‍ച്ച് ഒന്നു മുതല്‍ 19 വരെ നടത്തിയ തമിഴ്‌നാട് പ്ലസ് ടു പരീക്ഷാ ഫലം പ്രഖ്യാപിച്ചു. മുന്‍വര്‍ഷത്തേതില്‍നിന്ന് നേരിയ വര്‍ധനയോടെ 91.3 ആണ് ഇത്തവണത്തെ വിജയശതമാനം. ഒന്‍പത് ലക്ഷത്തോളം വിദ്യാര്‍ഥികളാണ് പരീക്ഷയെഴുതിയത്. 91.1 ആയിരുന്നു 2018ലെ വിജയശതമാനം. വിദ്യാര്‍ഥികള്‍ക്ക്  tnresults.nic.in, dge1.tn.nic.in, dge2.tn.nic.in  എന്നീ വെബ്‌സൈറ്റുകളില്‍നിന്ന് ഫലം അറിയാനാകും. ഈ വെബ്‌സൈറ്റുകളില്‍ നല്‍കിയിരിക്കുന്ന HSE(+2) - March 2019 Results ലിങ്കില്‍ രജിസ്‌ട്രേഷന്‍ നമ്പരും ജനനത്തീയതിയും നല്‍കിയാല്‍ മാര്‍ക്ക് അറിയാനാകും.

മാര്‍ച്ച് 29 മുതല്‍ ഏപ്രില്‍ 10 വരെയാണ് പരീക്ഷയുടെ മൂല്യനിര്‍ണയം നടത്തിയത്. അടുത്ത ആഴ്ച മുതല്‍ വിദ്യാര്‍ഥികള്‍ക്ക് അതാത് സ്‌കൂളുകളില്‍നിന്നും സര്‍ട്ടിഫിക്കറ്റുകള്‍ കൈപ്പറ്റാവുന്നതാണ്.

മാര്‍ക്ക് സംബന്ധമായ പ്രശ്‌നങ്ങള്‍ ഉണ്ടെങ്കില്‍ നിശ്ചിത ദിവസത്തിനകം പുനഃപരിശോധനയ്ക്ക് അപേക്ഷ നല്‍കാമെന്ന് തമിഴ്‌നാട് ഡയറക്ടറേറ്റ് ഓഫ് ഗവണ്മെന്റ് എക്‌സാമിനേഷന്‍സ് പുറത്തിറക്കിയ വിജ്ഞാപനത്തില്‍ വ്യക്തമാക്കിയിട്ടുണ്ട്. പ്ലസ് വണ്‍ പരീക്ഷാ ഫലം മേയ് എട്ടിനും എസ്.എസ്.എല്‍.സി ഫലം ഏപ്രില്‍ 29നും പ്രഖ്യാപിക്കും.