ലോക്സഭാ തിരഞ്ഞെടുപ്പിന് ശേഷം രണ്ടാംതവണയും നരേന്ദ്രമോദി അധികാരത്തിലെത്തുമോ എന്ന ചോദ്യത്തിന് സ്റ്റെല് മന്നന് രജനീകാന്തിന്റെ മാസ് മറുപടി ഇങ്ങനെ...
ലോക്സഭാ തിരഞ്ഞെടുപ്പിന് ശേഷം രണ്ടാംതവണയും നരേന്ദ്രമോദി അധികാരത്തിലെത്തുമോ എന്ന ചോദ്യത്തിന് രജനികാന്ത് നല്കിയ മറുപടി കേട്ട് മാദ്ധ്യമപ്രവര്ത്തകര് ഞെട്ടിയില്ല. പക്ഷേ അതിന് ശേഷം അദ്ദേഹം പറഞ്ഞത് കേട്ട് അവര് ഞെട്ടുക തന്നെ ചെയ്തു. മോദി അധികാരത്തിലെത്തുമോ എന്ന ചോദ്യത്തിന് സ്റ്റൈല് മന്നന് ചിരിച്ചുകൊണ്ട് പറഞ്ഞ മറുപടി ഇങ്ങനെ 23 ന് കൃത്യമായി അറിയാമല്ലോ..
തമിഴ്നാട്ടില് ഉപതിരഞ്ഞെടുപ്പ് പ്രഖ്യാപിച്ചാല് അപ്പോള് ഉറപ്പായും മല്സരിക്കുമെന്നായിരുന്നു രജനികാന്ത് രണ്ടാമതായി പറഞ്ഞത്. ലോക്സഭയല്ല തമിഴ്നാട് നിയമസഭയാണ് രജനിയുടെ ലക്ഷ്യമെന്ന് മുന്പ് തന്നെ വാദങ്ങളുയര്ന്നിരുന്നു. തമിഴ്നാട്ടിലെ 39 ലോക്സഭാ സീറ്റുകളിലേക്കും 18 നിയമസഭാ സീറ്റുകളിലേക്കുള്ള ഉപതെരഞ്ഞെടുപ്പും പൂര്ത്തിയായ സാഹചര്യത്തിലാണ് സൂപ്പര്സ്റ്റാറിന്റെ പ്രതികരണം.
ഉപതിരഞ്ഞെടുപ്പ് നടക്കുന്ന 18 നിയമസഭാ സീറ്റുകളിലേക്കുള്ള ഉപതിരഞ്ഞെടുപ്പില് അണ്ണാ ഡി.എം.കെ പരാജയപ്പെട്ടാല് സര്ക്കാരിന് ഭരണം നഷ്ടമാകും. അങ്ങനെ വന്നാല് തമിഴകം വീണ്ടും തിരഞ്ഞെടുപ്പിന്റെ ചൂടിലേക്ക് കടക്കും. ഇത് മുന്നില് കണ്ടാണ് രജനികാന്തിന്റെ പുതിയ നീക്കം. രജനിക്ക് ശേഷം രാഷ്ട്രീയത്തിലേക്ക് വന്ന കമല്ഹാസന് മക്കള് നീതി മയ്യം എന്ന പാര്ട്ടിയുമായി തമിഴകത്ത് ലോക്സഭ തിരഞ്ഞെടുപ്പിലും കരുത്ത് തെളിയിക്കാനുള്ള ഒരുക്കത്തിലാണ്.
ബിജെപിക്കെതിരെ ദേശീയ തലത്തില് ഒരു മുന്നണി രൂപീകരണത്തിന് ശ്രമം നടക്കുന്നുണ്ടല്ലോ, ബിജെപി അത്രക്ക് അപകടകാരിയായ പാര്ട്ടിയാണോ എന്ന മാധ്യമപ്രവര്ത്തകരുടെ ചോദ്യത്തോട് പ്രതികരിക്കുകയായിരുന്നു രജനികാന്ത്. നോട്ട് നിരോധനം നടപ്പാക്കിയത് തെറ്റായ രീതിയിലാണെന്നും അത് വിശദമായി ചര്ച്ച ചെയ്യപ്പെടേണ്ട കാര്യമാണെന്നും രജനി പറഞ്ഞു. 2016ല് പ്രധാനമന്ത്രി നരേന്ദ്ര മോദി നോട്ട് നിരോധനം കൊണ്ടുവന്നപ്പോള് രജനീകാന്തും കമല്ഹാസനും അടക്കമുള്ള താരങ്ങള് ശക്തമായി പിന്തുണച്ചിരുന്നു. രജനീകാന്തിന് ബിജെപിയോട് ചായ്വുണ്ടെന്ന തരത്തിലുള്ള വിലയിരുത്തലുകള്ളും പുറത്തുവന്നിരുന്നു.
പലരും പറയുന്നു, ബിജെപി എന്റെ പിന്നിലുണ്ടെന്ന്. അത് ശരിയല്ല, ദൈവവും ജനങ്ങളും മാത്രമാണ് എന്റെ പിന്നിലുള്ളത് രജനികാന്ത് നേരത്തെ പറഞ്ഞിരുന്നു. തന്റേത് ജാതി, മത ചിന്തകള്ക്കപ്പുറത്തേയ്ക്കുള്ള 'ആത്മീയ രാഷ്ട്രീയ'മാണ് എന്നാണ് രജനീകാന്ത് പറയുന്നത്. എന്നാല് ഈ 'ആത്മീയ രാഷ്ട്രീയം' ബിജെപിയോടും ആര്എസ്എസിനോടുമുള്ള അനുഭാവമല്ലാതെ മറ്റൊന്നുമല്ലെന്നാണ് ഡിഎംകെയുടെ വിമര്ശനം. രജനിയെ പിന്തുണക്കുന്നത് വര്ഗീയവാദികളാണെന്നും ഡിഎംകെ ആരോപിക്കുന്നു. അതേസമയം മതേതരനെന്ന് സ്ഥാപിക്കാനുള്ള ശ്രമമാണ് രജനി നടത്തുന്നത് എന്നാണ് എഐഎഡിഎംകെ വിലയിരുത്തുന്നത്.
https://www.facebook.com/Malayalivartha