മദ്ധ്യപ്രദേശ് മന്ത്രിയുടെ പ്രസ്താവന വിവാദത്തില്‍... ബലാത്സംഗം ചെയ്യുന്നവരുടെ അവയവങ്ങള്‍ ജനമധ്യത്തില്‍ വച്ച് ഛേദിക്കണമെന്ന് മന്ത്രി
ബലാത്സംഗം ചെയ്യുന്നവരുടെ അവയവങ്ങള്‍ പെതുജനമധ്യത്തില്‍ വച്ച് ഛേദിക്കണമെന്ന് മദ്ധ്യപ്രദേശ് വനിതാ ശിശുക്ഷേമ കാര്യ മന്ത്രി ഇമര്‍തി ദേവി പറഞ്ഞു. ലൈംഗികാക്രമണം നേരിട്ട കമലാ നഗറിലെ എട്ടു വയസ്സുള്ള കുട്ടിയുടെ വീട് സന്ദര്‍ശിച്ചതിനു ശേഷം മാദ്ധ്യമങ്ങളോട് സംസാരിക്കുകയായിരുന്നു മന്ത്രി. തെറ്റ് ആര് ചെയ്താലും ജനമധ്യത്തില്‍ ശിക്ഷ നല്‍കണമെന്നും മന്ത്രി അഭിപ്രായപ്പെട്ടു.
എട്ടു വയസ്സുകാരിയെ ബലാത്സംഗതത്തിനിരയാക്കിയ കുറ്റവാളികളുടെ മൂക്കും ചെവികളും മറ്റവയവങ്ങളും ജനങ്ങളുടെ മധ്യത്തില്‍ വെച്ച് അരിഞ്ഞുകളയണമെന്നും മന്ത്രി പറഞ്ഞു.'ആര് തെറ്റു ചെയ്താലും അവര്‍ക്ക് കടുത്ത ശിക്ഷ നല്‍കണം. പൊതു സ്ഥലത്തുവെച്ച് വേണം ശിക്ഷ നല്‍കാന്‍. അങ്ങനെ ചെയ്താല്‍ ഇത്തരം കുറ്റകൃത്യങ്ങള്‍ ചെയ്യുന്നര്‍ക്ക് അതൊരു പാഠമായിരിക്കും' മന്ത്രി പറഞ്ഞു.
മദ്ധ്യപ്രദേശിലെ വലിയ കോളനികള്‍ക്ക് സമീപം പൊലീസ് ബുത്തുകള്‍ സ്ഥാപിക്കും. ഇതിനുള്ള പദ്ധതി മുഖ്യമന്ത്രി കമല്‍നാഥിനു മുന്നില്‍ ഉടന്‍ സമര്‍പ്പിക്കുമെന്നും മന്ത്രി ഇമര്‍തി ദേവി കൂട്ടിച്ചേര്‍ത്തു.
https://www.facebook.com/Malayalivartha
