വിമത എം.എല്.എമാരെ അനുനയിപ്പിക്കാനുള്ള ജെ.ഡി.എസ്-കോണ്ഗ്രസ് സര്ക്കാര് ശ്രമങ്ങള്ക്ക് തിരിച്ചടി നല്കി സ്വതന്ത്ര എം.എല്.എയും മന്ത്രിസ്ഥാനം രാജിവെച്ചു... ബെയ്ഗും കൂടി രാജി രാജിവച്ചാല് സര്ക്കാര് ന്യൂനപക്ഷമാകും.
ഭരണപ്രതിസന്ധി രൂക്ഷമായ കര്ണാടകയില് മന്ത്രിസഭ പുനസംഘടന കൂടിയേ തീരൂ എന്ന അവസ്ഥയിലാണ് കാര്യങ്ങൾ നീങ്ങുന്നത് . വിമത എം.എല്.എമാരെ അനുനയിപ്പിക്കാനുള്ള ജെ.ഡി.എസ്-കോണ്ഗ്രസ് സര്ക്കാര് ശ്രമങ്ങള്ക്ക് തിരിച്ചടി നല്കി സ്വതന്ത്ര എം.എല്.എയും മന്ത്രിസ്ഥാനം രാജിവെച്ചു. സ്വതന്ത്ര എം.എല്.എയായ എച്ച്. നാഗേഷ് ഗവര്ണര് വിജുഭായ് വാലയാണ് രാജിവെച്ചത്. കൂടാതെ സര്ക്കാറിനുള്ള പിന്തുണ പിന്വലിക്കുകയും ചെയ്തു..ബിജെപി സര്ക്കാര് അധികാരത്തിലെത്തിയാല് പിന്തുണ നല്കുമെന്നും അദ്ദേഹം രാജിക്കത്തില് സൂചിപ്പിച്ചിട്ടുണ്ട്
നേരത്തെ എച്ച്. നാഗേഷിനെ ഒപ്പം നിര്ത്താന് അദ്ദേഹത്തിന് മന്ത്രിസ്ഥാനം നല്കിക്കൊണ്ട് ജെ.ഡി.എസ്-കോണ്ഗ്രസ് സര്ക്കാര് മന്ത്രിസഭ പുനസംഘടിപ്പിച്ചിരുന്നു. എന്നാലിപ്പോള് മന്ത്രിസ്ഥാനം രാജിവെച്ചാണ് അദ്ദേഹം പിന്തുണ പിന്വലിച്ചിരിക്കുന്നത്.
രാജി വച്ച എംഎല്എമാരെ അനുനയിപ്പിക്കാന് തിരക്കിട്ട നീക്കങ്ങളാണ് കോണ്ഗ്രസും ജെഡിഎസും നടത്തുന്നത്. ഇതിന്റെ ഭാഗമാണ് പാര്ട്ടി നേതൃത്വത്തിന്റെ നിര്ദ്ദേശപ്രകാരമുള്ള കോണ്ഗ്രസ് മന്ത്രിമാരുടെ രാജി.
അതേസമയം വിമത എം.എല്.എമാരെ മന്ത്രിമാരാക്കി അനുനയിപ്പിക്കാനുള്ള ശ്രമങ്ങളുമായി കോണ്ഗ്രസ്-ദള് നേതൃത്വം മുന്നോട്ട് പോകുകയാണ്.
ഉപമുഖ്യമന്ത്രി ജി പരമേശ്വരയുടെ വസതിയില് ചേര്ന്ന യോഗത്തിലാണ് മന്ത്രിമാര് രാജിക്കത്ത് പാര്ട്ടിക്ക് കൈമാറിയത്. മുഖ്യമന്ത്രി കുമാരസ്വാമിയും യോഗത്തില് പങ്കെടുത്തിരുന്നു. ജെഡിഎസ് മന്ത്രിമാരും രാജി വെക്കുമോ എന്ന കാര്യത്തില് വ്യക്തതയില്ല. യോഗത്തിന് ശേഷം പ്രതികരിക്കാന് മുഖ്യമന്ത്രി തയ്യാറായില്ല.
മന്ത്രിയും സ്വതന്ത്ര എംഎല്എയുമായ എച്ച് നാഗേഷ് കൂടി രാജി പ്രഖ്യാപിച്ചതോടെ കോണ്ഗ്രസ്-ജെഡിഎസ് സര്ക്കാരിന്റെ നില പരുങ്ങലിലായിരിക്കുകയാണ്. ഇപ്പോള് സഭയിലെ കോണ്ഗ്രസ്-ജെഡിഎസ് അംഗബലം 105 ആണ്. ബിജെപിക്ക് 106 അംഗങ്ങളുണ്ട്.
കേവലഭൂരിപക്ഷത്തിന് 106 അംഗങ്ങളുടെ പിന്തുണയാണ് വേണ്ടത്. ഈ സാഹചര്യത്തിലാണ് മുഖ്യമന്ത്രി കുമാരസ്വാമി രാജിവെക്കണമെന്ന് ബിജെപി ആവശ്യപ്പെട്ടിരിക്കുന്നത്. എന്നാല്, സര്ക്കാര് ന്യൂനപക്ഷമായിട്ടില്ലെന്നാണ് കോണ്ഗ്രസ് നേതാവ് ഡി കെ ശിവകുമാര് പ്രതികരിച്ചിരിക്കുന്നത്.
മന്ത്രിസഭ പുനസംഘടനയിലുള്പ്പെടുത്തി വിമത എംഎല്എമാരെ അനുനയിപ്പിക്കാമെന്നും ഭരണം നിലനിര്ത്താമെന്നുമാണ് കോണ്ഗ്രസിന്റെയും ജെഡിഎസിന്റെയും പ്രതീക്ഷ. വിമത എംഎല്എമാര് മുംബൈയില് യോഗം ചേര്ന്നിട്ടുണ്ട്.
കായികമന്ത്രിയും കോണ്ഗ്രസ് നേതാവുമായ റഹീം ഖാനും ഉടന് രാജിനല്കുമെന്നാണ് റിപ്പോര്ട്ട്. ഉപമുഖ്യമന്ത്രി ജി.പരമേശ്വരയുടെ വസതിയില് ചേരുന്ന യോഗത്തില് പങ്കെടുക്കുമെന്ന് അറിയിച്ച റഹീം ഖാന് തന്റെ പ്രശ്നങ്ങള് അവതരിപ്പിക്കുമെന്നും പരിഹാരമായില്ലെങ്കില് രാജി വെക്കുമെന്നും പറയുന്നു.
കെ.സി വേണുഗോപാലിനെ രൂക്ഷമായി വിമര്ശിച്ചതിന് പാര്ട്ടി നടപടി നേരിട്ട ശിവാജിനഗര് എം.എല്.എ റോഷന് ബെയ്ഗും റിബല് ക്യാമ്പുമായി ബന്ധപ്പെടുന്നുണ്ട്. ബെയ്ഗും കൂടി രാജി രാജിവച്ചാല് സര്ക്കാര് ന്യൂനപക്ഷമാകും.
https://www.facebook.com/Malayalivartha
