ഭക്ഷണ വിതരണ മേഖലയിലേക്കു ചുവടു വയ്യ്ക്കാൻ ഒരുങ്ങുകയാണ് സോമാറ്റൊയും. ടിഫിന്‍ ബോക്സ് വിതരണ സംവിധാനമാണ് ഇവർ നടപ്പിലാക്കുക. വിദ്യാര്‍ത്ഥികള്‍, ജീവനക്കാര്‍, സ്വകാര്യ ഹോസ്റ്റലുകളില്‍ താമസിക്കുന്നവര്‍, തുടങ്ങി ആവശ്യക്കാർക്കെല്ലാം ആഹാരം എത്തിക്കാനുള്ള ശ്രമമാണ് ലക്ഷ്യമിടുന്നത്. ഇന്ത്യയില്‍ ഉടനീളം സേവനം നടപ്പാക്കാനുള്ള പദ്ധതിയിലാണ് കമ്പനി. വീട്ടില്‍ ഭക്ഷണം പാചകം ചെയ്ത് വില്‍ക്കുന്നവരിൽ നിന്നും സ്ഥിരമായോ ദിവസക്കണക്കിലോ ഭക്ഷണം വാങ്ങാനുള്ള അവസരം ഒരുങ്ങുന്നുണ്ട്. കമ്പനിയുടെ പുതിയ തീരുമാനത്തെ ട്വിറ്ററിലൂടെയാണ് അവർ അറിയിച്ചത്.

നിലവിൽ സ്വിഗ്ഗിയുടെ പ്രവർത്തന മാതൃക ആയിരിക്കും ഇവർ പിന്തുടരുക. ടിഫിന്‍ സേവന ദാതാക്കളില്‍ നിന്നും ഭക്ഷണം പാകം ചെയ്ത് നല്‍കുന്ന വീട്ടുകാരില്‍ നിന്നും ഭക്ഷണ ശേഖരിച്ചാണ് ഇവർ ആവശ്യക്കാർക്ക് ആഹാരം എത്തിക്കുന്നത്. 1,000 ത്തില്‍ പരം ഉപഭോക്താക്കള്‍ക്കാണ് സ്വിഗ്ഗി ഇപ്പോള്‍ ഇത്തരത്തില്‍ സേവനം നല്‍കുന്നത്.