ഇന്ന് അർദ്ധ രാത്രിയിൽ ഭാഗിക ചന്ദ്രഗ്രഹണം; നഗ്ന നേത്രങ്ങളാൽ കാണാവുന്നതാണ്; പുലര്ച്ചെ 1.31 ഓടെ കാണാൻ സാധിക്കും
ഇന്ന് രാത്രി മൂന്ന് മണിക്കൂര് ദൈര്ഘ്യമുള്ള ഭാഗിക ചന്ദ്രഗ്രഹണം. ഇന്ന് പുലര്ച്ചെ 1.31 ഓടെയാണ് ഗ്രഹണം ആരംഭിക്കുകയെന്ന് കൊല്ക്കത്തയിലെ എം പി ബിര്ള പ്ലാനറ്റോറിയത്തിന്റെ ഗവേഷണ, അക്കാദമിക് ഡയറക്ടറായ ഡെബിപ്രോസാദ് ഡുവാരി അറിയിച്ചു. ചന്ദ്രന് ഇരുണ്ടതായി കാണപ്പെടുന്ന ഏറ്റവും വലിയ ഭാഗിക ഗ്രഹണം പുലര്ച്ചെ 3 മണിക്കു നടക്കും. ഇനി 2021 വരെ ഇത്തരത്തിലൊരു ചന്ദ്രഗ്രഹണം ഉണ്ടാകില്ല. അടുത്ത ചന്ദ്രഗ്രഹണം 2021 മെയ് 26ലായിരിക്കും നടക്കുക.
ഇന്ത്യയിൽ മാത്രമല്ല തെക്കേ അമേരിക്ക, യൂറോപ്പ്, ആഫ്രിക്ക, ഏഷ്യ, ഓസ്ട്രേലിയ എന്നിവിടങ്ങളില് നിന്നും ഈ പ്രതിഭാസം കാണാൻ കഴിയും. ബുധനാഴ്ച പുലര്ച്ചെ 4:29 വരെ ചന്ദ്രന് ഭാഗികമായി ഗ്രഹണം തുടരുമെന്നും അറിയിച്ചു. രാജ്യത്തെ ആകാശപ്രേമികള്ക്ക് നല്ലൊരു അവസരമാണ് ഒരുങ്ങിയിരിക്കുന്നത് . രാത്രി മുഴുവന് ചന്ദ്ര ഗ്രഹണം ദൃശ്യമാകുന്നത് നല്ലൊരു ആകാശ കാഴ്ചയാണ്. സൂര്യന്റെയും ചന്ദ്രൻറെയും ഇടയില് ഭൂമി നീങ്ങുമ്പോഴാണ് ഈ പ്രതിഭാസം നടക്കുന്നത്. ഇന്നത്തെ ചന്ദ്രഗ്രഹണം നഗ്നനേത്രങ്ങളാല് കണ്ടാൽ കുഴപ്പം ഒന്നും ഇല്ലായെന്നും അവർ അറിയിച്ചു.
https://www.facebook.com/Malayalivartha