ഹരിയാനയില്‍ അമ്മ ഓടയില്‍ വലിച്ചെറിഞ്ഞ നവജാത ശിശുവിന് തെരുവ് നായ്കള്‍ രക്ഷകരായി.

പ്ലാസ്റ്റിക് കവറില്‍ പൊതിഞ്ഞുകൊണ്ടുവന്ന് സ്ത്രീ കുഞ്ഞിനെ ഓടയിലേക്ക് വലിച്ചെറിയുന്ന ദൃശ്യങ്ങള്‍ സിസി ടിവി ക്യാമറയില്‍ വ്യക്തമാണ്.

തുടര്‍ന്ന് സമീപ പ്രദേശങ്ങളിലുണ്ടായിരുന്ന നായകള്‍ കുഞ്ഞിനെ ഓടയില്‍നിന്ന് വലിച്ച് കരയ്ക്കിടുന്നതും, പിന്നീട് കുരച്ച് ബഹളമുണ്ടാക്കി ആളുകളെ വിളിച്ച് വരുത്തുന്നതുമായ ദൃശ്യങ്ങള്‍ ക്യാമറയില്‍ കാണാം.

നായകളുടെ കുരകേട്ടെത്തിയ ആളുകള്‍ കുട്ടിയെ രക്ഷിക്കുകയായിരുന്നു. കുട്ടി ഇപ്പോള്‍ ഐസിയുവിലാണ്. അപകടനില തരണം ചെയ്തിട്ടില്ലെന്നും കുറച്ച് മണിക്കൂറുകള്‍ കൂടി കുട്ടി നിരീക്ഷണത്തിലായിരിക്കുമെന്നും ഡോക്ടര്‍മാര്‍ പറയുന്നു.