മഹാരാഷ്ട്രയില്‍ ഇന്നു രാവിലെ കെമിക്കല്‍ ഫാക്ടറിയിലുണ്ടായ സ്‌ഫോടനത്തില്‍ മരിച്ചവരുടെ എണ്ണം 20 ആയി. പരിക്കേറ്റവരില്‍ പലരുടെയും നില ഗുരുതരമായതിനാല്‍ മരണസംഖ്യ ഉയരാന്‍ സാധ്യതയുണ്ട്. ഇന്നു രാവിലെ ധൂലെയിലെ കെമിക്കല്‍ ഫാക്ടറിയിലാണ് പൊട്ടിത്തെറിയുണ്ടായത്. ഫാക്ടറിയിലെ തൊഴിലാളികളാണ് അപകടത്തില്‍ മരിച്ചത്.
ബോയിലര്‍ പൊട്ടിത്തെറിച്ചതാണ് അപകടത്തിനു കാരണമായതെന്ന് പോലീസ് വൃത്തങ്ങള്‍ അറിയിച്ചു. സ്്‌ഫോടനത്തിന്റെ പ്രകമ്പനം പത്തുകിലോമീറ്ററിനപ്പുറം അനുഭവപ്പെട്ടെന്ന് നാട്ടുകാര്‍ പറഞ്ഞു. നൂറിലധികം തൊഴിലാളികള്‍ പൊട്ടിത്തെറിയുണ്ടാകുമ്പോള്‍ ഫാക്ടറിയിലുണ്ടായിരുന്നു. സംഭവത്തെ തുടര്‍ന്ന് സമീപവാസികളെ എല്ലാം ഒഴിപ്പിച്ചു. പോലീസും അഗ്നിശമനസേനയും ദുരന്തനിവാരണ സേനയും ചേര്‍ന്നാണ് ക്ഷാപ്രവര്‍ത്തനം നടത്തിയത്.