ബിജെപിയിൽ നിന്ന് രാജിവയ്ക്കാനൊരുങ്ങി സോവാൻ ചാറ്റർജി
മുന്‍ കൊല്‍ക്കത്ത മേയര്‍ സോവന്‍ ചാറ്റര്‍ജി തൃണമൂല്‍ കോണ്‍ഗ്രസില്‍ നിന്ന് ബി.ജെ.പിയില്‍ ചേര്‍ന്നത് രാജ്യം മുഴുവന്‍ വലിയ ശ്രദ്ധയാകര്ഷിച്ച വാര്‍ത്തായിരുന്നു. ഇത്തരത്തിലുള്ള സോവന്‍ ചാറ്റര്‍ജിയുടെ നീക്കത്തെ വലിയ ആഘോഷത്തോടെയായിരുന്നു ബി.ജെ.പി പ്രചരിപ്പിച്ചത്. എന്നാല്‍ ഇപ്പോള്‍ സോവന്‍ ചാറ്റര്‍ജി ബി.ജെ.പിയില്‍ നിന്ന് രാജിക്കൊരുങ്ങുകയാണ് എന്ന വാർത്തയാണ് പുറത്തേക്ക് വരുന്നത്. അദ്ദേഹത്തിന്റെ അടുത്ത അനുയായിയായ ബൈശാഖി ബാനര്‍ജിയാണ് ഇക്കാര്യം വെളിപ്പെടുത്തിയത്.
എം.എല്‍.എയായ സോവന്‍ ചാറ്റര്‍ജി ആഗസ്ത് 14ന് ന്യൂഡല്‍ഹിയില്‍ നടന്ന ഔദ്യോഗിക പരിപാടിയിലാണ് ബി.ജെ.പി അംഗത്വം സ്വീകരിച്ചത്. ബി.ജെ.പിയില്‍ ചേര്‍ന്നത് മുതല്‍ ഒരു കാരണവുമില്ലാതെ തുടര്‍ച്ചയായ അപമാനം നേരിടുകയാണ് എന്നാണ് ഇപ്പോൾ സോവൻ ചാറ്റ രജി വ്യക്തമാക്കുന്നത്. ഇക്കരണത്തല് തന്നെ സോവന്‍ ചാറ്റര്‍ജി സജീവ രാഷ്ട്രീയത്തില്‍ നിന്ന് വിട്ടു നില്‍ക്കുകയായിരുന്നു.
പാര്‍ട്ടി വിടുകയാണെന്ന് ഞങ്ങള്‍ അറിയിച്ചു കഴിഞ്ഞു. വേണമെന്നുണ്ടെങ്കില്‍ ബി.ജെ.പി നേതൃത്വത്തിന് രാജിക്കത്ത് അയക്കുമെന്നും ബൈശാഖി വ്യക്തമാക്കി. ബി.ജെ.പിയില്‍ നിന്ന് രാജിവെക്കുകയാണെന്ന് സോവന്‍ ചാറ്റര്‍ജി ഔദ്യോഗികമായി ഇത് വരെ പ്രഖ്യാപിച്ചിട്ടില്ല എന്നതാണ് ഇപ്പോൾ ലഭിക്കുന്ന വിവരം. എന്നാൽ ഇനി എന്ത് നടക്കുമെന്ന് കാത്തിരുന്നു തന്നെ കാണണം.
https://www.facebook.com/Malayalivartha
