ദേശീയ പൗരത്വ രജിസ്റ്ററില് പേരുണ്ടാവുമോ എന്ന ആശങ്കയില് യുവതി പട്ടിക പുറത്ത് വരുന്നതിനു അരമണിക്കൂര് മുമ്പ് ആത്മഹത്യ ചെയ്തു... പട്ടിക പുറത്തു വന്നപ്പോള് യുവതിയുടെ പേരും പട്ടികയില്.... ആ കാഴ്ച കരളലിയിക്കുന്ന കാഴ്ചയായി
പട്ടികയില് പേര് നോക്കാനായി ഇന്നലെ തിക്കും തിരക്കുമായിരുന്നു അസമില്. പട്ടികയില് പേര് കാണില്ലെന്ന് ആശങ്കയില് ജീവനൊടുക്കിയ യുവതിയുടെ പേരും പട്ടികയിലുണ്ടായിരുന്നു. എന്നാല് പട്ടികയില് പേരുണ്ടാവില്ലെന്ന പോലീസുകാരന്റെ വാക്ക് വിശ്വസിച്ച് പട്ടിക പുറത്ത് വരുന്നതിനു അര മണിക്കൂര് മുമ്പ് യുവതി ആത്മഹത്യ ചെയ്തു.
ദേശീയ പൗരത്വ രജിസ്റ്ററില് പേരുവരാന് രേഖകളുമായി കയറിയിറങ്ങുമ്പോഴെല്ലാം മുസ്ലീയ നിങ്ങളുടെ പേര് പട്ടികയിലുണ്ടാകില്ലെന്നും ബംഗ്ലാദേശിയായി കണക്കാക്കുമെന്ന് പൊലീസുകാരന് പറഞ്ഞപ്പോള് മുതല് സഹീറക്ക് പേടിയായിരുന്നെന്ന് സഹോദരി പറയുന്നു. ആ പൊലീസുകാരന് പറഞ്ഞതു വിശ്വസിച്ചാണ് സഹീറ ഇന്നലെ രാവിലെ കിണറ്റില് ചാടി മരിച്ചത്. രജിസ്റ്ററില് പേര് കാണില്ലെന്ന ഭീതിയില് നടന്ന നൂറുകണക്കിന് ആത്മഹത്യകളിലൊന്നായി ഇതും മാറി.
മറ്റൊരു നൊമ്പരകാഴ്ചയായിരുന്നു പേരില്ലെന്ന കാരണത്താല് സേവ കേന്ദ്രത്തില് നിന്ന് വീട്ടിലേക്ക് പോകാന് തയ്യാറാകാതെ നില്ക്കുന്ന യുവതിയും കുഞ്ഞും. മൂന്നു വയസ്സോളം പ്രായമായ കുഞ്ഞിനെയും കൊണ്ട് എങ്ങനെ വീട്ടിലേക്ക് പോകുമെന്ന് സങ്കടപ്പെട്ടു നില്ക്കുന്ന യുവതിയെ ആശ്വസിപ്പിക്കാന് ആര്ക്കുമായില്ല.
കാവലായി നില്ക്കുന്ന കേന്ദ്രസേനയും അസം പൊലീസുമല്ലാതെ ചോദിക്കാനും സമാധാനിപ്പിക്കാനുമൊന്നും അവിടെ ആരുമില്ല. ഇന്നലെ രാവിലെ മുതല് എല്ലാ സേവ കേന്ദ്രങ്ങളിലും സന്നദ്ധ സംഘടന ഓഫീസുകളിലും ഇന്റര്നെറ്റ് കഫേകളിലും തിക്കും തിരക്കുമായിരുന്നു. പട്ടികയില് പേരില്ലാത്തവര് വീണ്ടും വീണ്ടും ആവര്ത്തിച്ച് നോക്കുന്നതും അവര് പിന്മാറുന്നതും കരളലയിക്കുന്ന കാഴ്ചയായി മാറി.
https://www.facebook.com/Malayalivartha
