പുറത്തേയ്ക്ക് പോയ 14കാരിയെ കണ്ടെത്തിയത് രണ്ട് കണ്ണുകളും ചൂഴ്ന്നെടുത്ത്, വസ്ത്രങ്ങൾ കീറി, ശരീരം വികൃതമാക്കി കൊലപ്പെടുത്തിയ നിലയിൽ
ജോലി ആവശ്യത്തിനായി പോയ 14കാരിയെ കൊല്ലപ്പെട്ടനിലയിൽ കണ്ടെത്തി. കണ്ണുകള് ചൂഴ്ന്നെടുത്തു, മൃതദേഹം വികൃതമാക്കപ്പെട്ടനിലയിലാണ് കണ്ടെത്തിയത്. ഉത്തര് പ്രദേശിലെ ഝാന്സിയിലെ ജലാവുണില് ഞായറാഴ്ച ഉച്ചയോടെയാണ് പെണ്കുട്ടിയുടെ മൃതദേഹം കണ്ടെടുത്തത്. പ്രാഥമിക പരിശോധനയില് പെണ്കുട്ടി ലൈംഗികമായി പീഡിപ്പിക്കപ്പെട്ടതായി തെളിഞ്ഞിട്ടുണ്ട്.
ജലാവുണ് ജില്ലയിലെ അറ്റ എന്ന സ്ഥലത്ത് മാതാപിതാക്കള്ക്കൊപ്പം താമസിക്കുകയായിരുന്നു പെണ്കുട്ടി. ശനിയാഴ്ച വൈകുന്നേരം പുറത്ത് ജോലി ആവശ്യത്തിനായി പോയ പെണ്കുട്ടി പിന്നീട് തിരിച്ചെത്തിയില്ല. തുടര്ന്ന് മകളെ കാണാനില്ലെന്ന് കാണിച്ച് കുട്ടിയുടെ മാതാപിതാക്കള് പോലീസില് പരാതി നല്കിയിരുന്നു. കണ്ണ് ചൂഴ്ന്നെടുത്തതിനൊപ്പം, മൃതദേഹത്തിന്റെ വസ്ത്രങ്ങളും വലിച്ചുകീറിയതായി പോലീസ് കണ്ടെത്തി. ഇത് ക്രൂരമായ ലൈംഗിക പീഡനത്തിലേക്കാണ് വിരല് ചൂണ്ടുന്നതെന്ന് പോലീസ് പറയുന്നു.
സംഭവവുമായി ബന്ധപ്പെട്ട് പെണ്കുട്ടിയുടെ അയല്ക്കാരനെ പോലീസ് അറസ്റ്റ് ചെയ്തു. നിലവില് തട്ടിക്കൊണ്ടുപോകല്, കൊലപാതകം എന്നീ കുറ്റങ്ങള് ചുമത്തിയാണ് പ്രതിയെ അറസ്റ്റ് ചെയ്തത്. അയല്ക്കാരനെതിരെ നേരത്തെ തന്നെ ഒരു പീഡനക്കുറ്റം നിലവിലുള്ളതായി പോലീസ് പറയുന്നുണ്ട്. കൂടാതെ, ഇയാള് തന്റെ ബന്ധുവായ ഒരു പെണ്കുട്ടിയേയും ലൈംഗികമായി ഉപദ്രവിച്ചിരുന്നു. ഇയാളെ പോലീസ് ചോദ്യം ചെയ്ത് വരികയാണ്. പോസ്റ്റ്മോര്ട്ടം റിപ്പോര്ട്ട് വന്നശേഷം മാത്രമേ മരണവുമായി ബന്ധപ്പെട്ട മറ്റു വിവരങ്ങള് അറിയാന് കഴിയുകയുള്ളൂ.
https://www.facebook.com/Malayalivartha