ഇ-കോമേഴ്‌സ് രംഗത്ത് മികച്ചു നിൽക്കുന്ന ആമസോൺ ഭക്ഷണ വിതരണ രംഗത്ത് പ്രവേശിക്കുന്നു. ആമസോണ്‍ ഭക്ഷണ വിതരണ ബിസിനസ്സിലേക്ക് ചുവട് വെക്കാനൊരുങ്ങുകയാണ്. കുറഞ്ഞ കമ്മീഷന്‍ മാത്രം ചുമത്തി വിപണിയില്‍ ശക്തമാകാനാണ് ആമസോൺ പദ്ധതിയിടുന്നത്. ആമസോണും കൂടെ ഈ രംഗത്തേക്ക് കടന്നു വരുന്നതോടെ രാജ്യത്തെ ആഹാര വിതരണ ശൃംഖലകളുട‍െ മത്സരം വർധിക്കും.

ഒക്ടോബറില്‍ പ്രവര്‍ത്തനം ആരംഭിക്കുകയെന്ന ലക്ഷ്യത്തോടെ വിവിധ തലത്തിലുളള റെസ്റ്റോറന്‍റുകളുമായി രാജ്യവ്യാപകമായി ആമോസോണ്‍ കരാര്‍ ഉറപ്പിച്ചുകൊണ്ടിരിക്കുന്നതായി വിവരം. ആദ്യം ബാംഗ്ലൂരില്‍ സര്‍വീസ് തുടങ്ങാനാണ് കമ്പനിയുടെ ആലോചന. പിന്നീട് മുംബൈയിലേക്കും ഡല്‍ഹിയിലേക്കും പ്രവര്‍ത്തനം വ്യാപിപ്പിക്കാനും അവര്‍ പദ്ധതിയിടുന്നതായി വിവരങ്ങൾ വരുന്നു.