ഓണ്‍ലൈന്‍ ഫുഡ് ഡെലിവറി സ്റ്റാര്‍ട്ടപ്പായ സൊമാറ്റോ തിളക്കമാർന്ന തിരിച്ചു വരവിന്റെ പാതയിലാണ്. എന്നാൽ ഈ തിരിച്ചു വരവിൽ സൊമാറ്റോ മനുഷ്യരേക്കാൾ കൂടുതൽ വിശ്വാസം അർപ്പിക്കുന്നത് യന്ത്രങ്ങളിലാണ്.
അതുകൊണ്ടുതന്നെ സൊമാറ്റോ 541 തൊഴിലാളികളെ പിരിച്ചുവിടുന്നു. സപ്പോര്‍ട്ട് വിഭാഗത്തില്‍നിന്നാണ് കൂട്ടപിരിച്ചുവിടല്‍ നടത്തുന്നത്. തൊഴിലാളികള്‍ക്ക് പകരം നിര്‍മ്മിത ബുദ്ധി(ആര്‍ട്ടിഫിഷ്യല്‍ ഇന്‍റലിജന്‍റ്സ്-എഐ) ഉപയോഗിക്കാനുള്ള തീരുമാനത്തെ തുടര്‍ന്നാണ് തൊഴിലാളികളെ പിരിച്ചു വിടുന്നത്. വേദനാജനകമായ തീരുമാനമാണ് ഇതെന്നാണ് കമ്പനി അധികൃതര്‍ പാറയ്യ്ന്നത് എങ്കിലും കസ്റ്റമര്‍ കെയര്‍ നന്നായി ചെയ്യുന്നത് ആർട്ടിഫിഷ്യൽ ഇന്റലിജിൻസ് ആണെന്നാണ് വിലയിരുത്തൽ

ഇതോടെ സൊമാറ്റോയിലെ 10 ശതമാനം തൊഴിലാളികള്‍ക്ക് ജോലി നഷ്ടപ്പെടും. ഉപഭോക്തൃ സേവനങ്ങള്‍ക്കായി നിയമിച്ച ജീവനക്കാരെയാണ് പിരിച്ചുവിടുക. നിര്‍മിത ബുദ്ധി ഉപയോഗിച്ച് കൂടുതല്‍ കാര്യക്ഷമതയോടെ കസ്റ്റമര്‍ കെയര്‍ സംവിധാനം മുന്നോട്ടുകൊണ്ടുപോകാമെന്ന് അധികൃതര്‍ പറയുന്നു.

കഴിഞ്ഞ കുറച്ച് മാസങ്ങളായി എഐ ഉപയോഗിച്ചുള്ള പരീക്ഷണങ്ങള്‍ നടത്തുകയായിരുന്നു. ഇതോടെ സേവനത്തില്‍ വേഗത കൈവരിക്കാനായെന്ന് കമ്പനി അവകാശപ്പെട്ടു.