മധ്യപ്രദേശില് കനത്ത മഴ... ഭോപ്പാല്, സേഹോര് ജില്ലകളിലെ വിദ്യാലയങ്ങള്ക്ക് അവധി പ്രഖ്യാപിച്ചു
09 SEPTEMBER 2019 12:55 PM IST
മലയാളി വാര്ത്ത
മധ്യപ്രദേശില് മഴ ശക്തമായതിനെ തുടര്ന്ന് ഭോപ്പാല്, സേഹോര് ജില്ലകളിലെ വിദ്യാലയങ്ങള്ക്ക് അവധി പ്രഖ്യാപിച്ചു. ഭോപ്പാലിലെ ഫാന്ഡ മേഖലയില് ഓവുചാലില് വീണ് രണ്ടു വയസുകാരി മരിച്ചു. സംസ്ഥാനത്തെ 32 ജില്ലകളില് അതിശക്തമായ മഴയാണ് അനുഭവപ്പെടുന്നത്. സിയോണിയില് വൈഗംഗ നദിയില് മൂന്ന്പേര് ഒഴുക്കില്പെട്ടു. ഒരാളെ പരിക്കുകളോടെ രക്ഷപ്പെടുത്തി.
മറ്റുള്ളവര്ക്കായി തെരച്ചില് തുടരുകയാണ്. ജലപരിധി ഉയര്ന്നതിനെ തുടര്ന്ന് കാളിയസോട്ട് ഡാമിന്റെ 13 ഷട്ടറുകളില് അഞ്ചെണ്ണം ഉയര്ത്തി. ശനിയാഴ്ച മുതല് മധ്യപ്രദേശില് കനത്ത മഴ തുടരുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
