അഞ്ച് പേജിൽ പ്രധാനമന്ത്രി നരേന്ദ്രമോദിക്ക് ആത്മഹഹത്യ കുറിപ്പ് എഴുതി റിട്ടേര്ഡ് എയര്ഫോര്സ് ഓഫീസര് ഹോട്ടല് മുറിയില് ജീവനൊടുക്കി; ആത്മഹത്യാക്കുറിപ്പിനൊപ്പം സൂക്ഷിച്ചത് ശവസംസ്ക്കാര ചടങ്ങുകള്ക്കായി 1500 രൂപയും മുറി വാടകയായി 500 രൂപയും
ഉത്തര്പ്രദേശിലെ ഹോട്ടല് മുറിയില് അസാമിലെ റിട്ടേര്ഡ് എയര്ഫോര്സ് ഓഫീസര് ആത്മഹത്യ ചെയ്തു. പ്രധാനമന്ത്രി നരേന്ദ്രമോദിക്ക് ആത്മഹഹത്യ കുറിപ്പ് എഴുതിയതിന് ശേഷമാണ് അദ്ദേഹം ആത്മഹത്യക്ക് മുതിര്ന്നത്. അമ്പത്തിയഞ്ച് വയസുള്ള ബിജന് ദാസ് എന്ന വ്യക്തിയാണ് ആത്മഹത്യ ചെയ്തത്. അലഹബാദിലെ കുല്ദാബാദ് ഏരിയയിലുള്ള ഹോട്ടലിലാണ് ബിജാന് ആത്മഹത്യ ചെയ്തത്.
സെപ്തംബര് ആറിനായിരുന്നു അദ്ദേഹം ഹോട്ടലില് മുറി എടുത്തത്. എന്നാല് ഞായറാഴ്ച അദ്ദേഹം മുറിക്ക് വെളിയില് വരാത്തത് ശ്രദ്ധയില്പെട്ടതോടെ റുംബോയ് ഹോട്ടല് മാനേജരെ കാര്യം അറിയിക്കുകയായിരുന്നു. തുടര്ന്ന് സ്റ്റാഫ് പുറത്ത് നിന്ന് ജനല് വഴി നോക്കിയപ്പോഴാണ് മരിച്ചതായി കണ്ടത്.
ബിജാന് ഹോട്ടല് മുറിയില് തൂങ്ങി മരിക്കുകയായിരുന്നു. അഞ്ച് പേജിലാണ് ആത്മഹത്യ കുറിപ്പ് എഴുതിയത്. കഴിഞ്ഞ സര്ക്കാരിന്റെ കാലത്ത് ധനമന്ത്രിയായിരുന്നു പി ചിദംബരത്തെയാണ് സാമ്ബത്തിക മാന്ദ്യത്തില് വിമര്ശിച്ചിരുന്നത്. ഇപ്പോഴുള്ള സാമ്പത്തിക മാന്ദ്യത്തിന് കാരണം മോദി സര്ക്കാര് അല്ലെന്നും അദ്ദേഹം ആത്മഹത്യ കുറിപ്പില് എഴുതി. ശവസംസ്ക്കാര ചടങ്ങുകള്ക്കായി 1500 രൂപയും മുറി വാടകയായി 500 രൂപയും ബിജാന് ആത്മഹത്യ കുറിപ്പിനൊപ്പം വെച്ചിട്ടുണ്ട്.
https://www.facebook.com/Malayalivartha
