തോല്ക്കാനായൊരു ജന്മം... സകല അടവുകളും നോക്കിയിട്ടും ലോക രാഷ്ട്രങ്ങളുടെ മുമ്പില് തോറ്റ് തുന്നം പാടിയ ഇമ്രാന് ഖാനും കൂട്ടരും പുതിയ തന്ത്രത്തിലേക്ക്; നുഴഞ്ഞ് കയറാനായി കശ്മീരിലേക്ക് ഡോക്ടര്മാരെ അയയ്ക്കുമെന്ന് പാകിസ്ഥാന്; അതിര്ത്തി കടക്കാന് അനുവദിക്കില്ലെന്ന് ഉഗ്ര ശാസന നല്കി ഇന്ത്യ
കാശ്മീരിന്റെ പ്രത്യേക പദവി എടുത്ത് കളഞ്ഞ ശേഷം കാശ്മീര് ജനത സമാധാനത്തിലാണ്. ഏറെക്കുറെ എല്ലാവരും അത് ഉള്ക്കൊണ്ടതുമാണ്. കാശ്മീരില് സമാധാനം ഉണ്ടാകരുതെന്നാഗ്രഹിക്കുന്ന പാകിസ്ഥാന് ഇടപെടല് നടത്തിക്കൊണ്ടേയിരിക്കുന്നു. നുഴഞ്ഞ് കയറി ഭീകരാക്രമണമുണ്ടാക്കാനാണ് പാകിസ്ഥാന് പ്രധാനമന്ത്രി ഇമ്രാന്ഖാന്റെ നേതൃത്വത്തില് ചിന്തിക്കുന്നത്. അതേസമയം എന്ത് വിലകൊടുത്തും അത് തടയാനൊരുങ്ങുകയാണ് ഇന്ത്യ.
ഇതോടെ നുഴഞ്ഞ് കയറ്റത്തിന്റെ പുതിയ വഴി ആലോചിക്കുകയാണ് ഇമ്രാന്ഖാന്. പാകിസ്ഥാനില് നിന്നും 75 ഡോക്ടര്മാര് നിയന്ത്രണരേഖ കടന്ന് ഇന്ത്യയിലേക്ക് വരാന് പദ്ധതിയിടുന്നതായാണ് റിപ്പോര്ട്ട്. കശ്മീര് ജനതയ്ക്ക് ചികിത്സയും മറ്റ് സഹായങ്ങളും നല്കാനാണ് ഡോക്ടര്മാരെ രാജ്യത്തേക്ക് അയക്കുന്നതെന്നാണ് പാകിസ്ഥാന്റെ വാദം.
ഇത് സംബന്ധിച്ച് സെപ്തംബര് അഞ്ചിന് ഇന്ത്യന് ഹൈക്കമ്മീഷന്റെ ഫസ്റ്റ് സെക്രട്ടറി ആശിഷ് ശര്മയുമായി പാകിസ്ഥാന് യൂണിവേഴ്സിറ്റി ഓഫ് ഹെല്ത്ത് സയന്സിലെ വൈസ് ചാന്സലര് ജാവേദ് അക്രം സസംസാരിച്ചിരുന്നു. എന്നാല് ഡോക്ടര്മാരെ അതിര്ത്തി കടക്കാന് അനുവദിക്കില്ലെന്നും കടന്നാല് ശക്തമായ നടപടി സ്വീകരിക്കുമെന്നും ആശിഷ് ശര്മ പറഞ്ഞു. ഭീകരരെ ആയുധമാക്കികൊണ്ടുള്ള പാക് തന്ത്രങ്ങള് നിരന്തരം പരാജയപ്പെടുന്ന സാഹചര്യത്തിലാണ് പുതിയ അടവുമായി പാകിസ്ഥാന് രംഗത്ത് വന്നിരിക്കുന്നത്.
കഴിഞ്ഞ ഞായറാഴ്ച ഡോക്ടര്മാര് മുസാഫറാബാദില് എത്തിയതായാണ് വിവരം. കഴിഞ്ഞ മാസമാണ് പാകിസ്ഥാനിലെ യൂണിവേഴ്സിറ്റി ഓഫ് ഹെല്ത്ത് സയന്സും പാകിസ്ഥാന് സൊസൈറ്റി ഓഫ് ഇന്റേര്ണല് മെഡിസിനും ചേര്ന്ന് ഡോക്ടര്മാരെ ഇന്ത്യയിലേക്ക് എത്തിക്കുന്നതിനായുള്ള കരാറില് ഒപ്പ് വച്ചത്.
ഇന്ത്യയില് പ്രവേശിക്കാന് സംഘത്തെ അനുവദിക്കണമെന്ന് ഇന്ത്യന് അധികൃതരോട് അഭ്യര്ത്ഥിച്ചിട്ടുണ്ടെന്ന് ജാവേദ് അക്രം പറഞ്ഞു. 21 ഡോക്ടര്മാരെയാണ് ആദ്യഘട്ടത്തില് ഇന്ത്യയിലേക്ക് കടത്താന് ശ്രമിക്കുന്നത. അതിന് കഴിഞ്ഞില്ലെങ്കില് മൂന്ന് പേരെ എങ്കിലും അതിര്ത്തി കടത്തണമെന്നാണ് ജാവേദ് അക്രത്തിന്റെ ആവശ്യം. എന്തെങ്കിലും അതിക്രമം കാട്ടിയാല് കനത്ത തിരിച്ചടി നല്കാനാണ് മോദിയുടെ നിര്ദേശം.
കഴിഞ്ഞ ദിവസം യുഎന്നിലും കനത്ത പ്രഹരമാണ് ഇന്ത്യ നല്കിയത്. യുഎന് മനുഷ്യാവകാശ കൗണ്സിലില് പാകിസ്ഥാന് നിരത്തിയ പൊള്ളയായ ആരോപണങ്ങള്ക്കെതിരെ ഇന്ത്യ അഞ്ഞടിച്ചിരുന്നു. ഭീകരരുടെ താവളമായ പാകിസ്ഥാന്റെ ആരോപണങ്ങള് മനപ്പൂര്വ്വം കെട്ടിച്ചമച്ചതാണെന്ന് ഇന്ത്യ വ്യക്തമാക്കി. കശ്മീര് വിഷയത്തില് പാകിസ്ഥാന് ഉന്നയിച്ച ആരോപണങ്ങള് തെറ്റാണെന്നും കശ്മീര് ഇന്ത്യയുടെ മാത്രം ആഭ്യന്തര വിഷയമാണെന്നും ഇന്ത്യന് വിദേശകാര്യ സെക്രട്ടറി വിജയ് താക്കൂര് സിംഗ് കൗണ്സിലില് വ്യക്തമാക്കി.
ഒരു രാജ്യത്തെ പ്രതിനിധിസംഘം തന്റെ രാജ്യത്തെക്കുറിച്ച് അടിസ്ഥാന രഹിതമായ ആരോപണങ്ങള് കൗണ്സില് മുന്പാകെ ഉന്നയിച്ചു. എന്നാല് ഇത്തരം ഒരു ആരോപണം ഉന്നയിച്ചത് ആഗോള തീവ്രവാദ കേന്ദ്രമായി പ്രവര്ത്തിക്കുന്ന രാജ്യമാണെന്ന് ലോകത്തിനറിയാം. ഭീകരര്ക്ക് സംരക്ഷണം നല്കിയ രാജ്യത്തെ പ്രതിനിധികളാണ് പൊള്ളയായ ആരോപണങ്ങള് ഉന്നയിച്ചതെന്നും വിജയ് താക്കൂര് സിംഗ് കൗണ്സില് മുന്പാകെ വ്യക്തമാക്കി.
കശ്മീര് വിഷയം ഇന്ത്യയുടെ ആഭ്യന്തര വിഷയമാണെന്നും അദ്ദേഹം ആവര്ത്തിച്ചു. ഒരു രാജ്യത്തിന്റെ ആഭ്യന്തര വിഷയത്തിലിടപെടാന് മറ്റൊരു രാജ്യത്തിന് അനുവാദമില്ല. ഇത്തരം കാര്യങ്ങള് അനുവദിക്കാന് ഇന്ത്യയ്ക്കും കഴിയില്ലെന്നും താക്കൂര് സിംഗ് വ്യക്തമാക്കി. കശ്മീര് ജനതയുടെ എല്ലാ പ്രശ്നങ്ങള്ക്കും പരിഹാരം കാണാന് ഇതിലൂടെ കഴിയുമെന്നും അദ്ദേഹം അറിയിച്ചു.
https://www.facebook.com/Malayalivartha
