മൂന്നാം വിവാഹത്തിന് കോപ്പുകൂട്ടിയ അരവിന്ദനെ ഭാര്യമാര് പഞ്ഞിക്കിട്ടു ; ഒടുവില് പോലീസ് കേസും; സംഭവം ഇങ്ങനെ ;
വിവാഹ രോഗം അതൊരു രോഗമാണോ. അതൊരു രോഗമാണെന്നും അതിനുള്ള മരുന്നുണ്ടെന്നും അതുകിട്ടിയാല് നേരെയാകും എന്നുതെളിയിക്കുന്ന സംഭവമാണ് കഴിഞ്ഞ ദിവസം തമിഴ്നാട്ടില് നടന്നത്. കല്യാണം കഴിച്ച് മടുക്കുമ്പോള് മാനസീക പീഠനം നല്കി ഭാര്യമാരെ ഒഴിവാക്കിയിട്ട് മറ്റൊരു വിവാഹം കഴിക്കുക ഇതാണ് അരവിന്ദ് എന്ന കോയമ്പത്തൂരുകാരന്റെ രോഗം അതിനുള്ള മരുന്ന് ഭാര്യമാരും അവരുടെ കുടുമ്പക്കാരും ചേര്ന്ന നല്കി അതിന്റെ വീഡിയോ സമൂഹ മാധ്യമങ്ങളില് വൈറലായതോടെയാണ് മാധ്യമങ്ങളും ഇത് ഏറ്റെടുത്തത്
തങ്ങളെ ഉപേക്ഷിച്ച് മൂന്നാമതും വിവാഹം കഴിക്കാന് തുനിഞ്ഞ യുവാവിനെ പട്ടാപ്പകല് ഭാര്യമാര് ചേര്ന്ന് അടിച്ചില്ലാതാക്കുന്ന വീഡിയോയാണ് ഇപ്പോള് സോഷ്യല് മീഡിയയിലെ ചര്ച്ചാവിഷയം. മൂന്നാം വിവാഹത്തിന് ശ്രമിച്ച 26കാരനെയാണ് ഭാര്യമാര് മര്ദിച്ചത്. തമിഴ്നാട്ടിലെ കോയമ്പത്തൂരിലാണ് സംഭവം. സ്വകാര്യ കമ്പനിയില് ജീവനക്കാരനായ അരവിന്ദ് എന്ന ദിനേശിനാണ് മര്ദനം ഏറ്റത്. അരവിന്ദിനെ ഭാര്യമാര് മര്ദിക്കുന്ന ദൃശ്യങ്ങള് സമൂഹ മാധ്യമങ്ങളില് വൈറലാണ്. 2016ല് ആണ് പ്രിയദര്ശിനി എന്ന യുവതിയെ അരവിന്ദ് വിവാഹം കഴിക്കുന്നത്. വൈകാതെ പ്രിയദര്ശിനിയെ അരവിന്ദ് അവഗണിക്കാന് തുടങ്ങി. ഇതേപറ്റി പ്രിയദര്ശിനി അരവിന്ദിന്റെ മാതാപിതാക്കളോട് പരാതി പറഞ്ഞുവെങ്കിലും അവര് ഗൗരവമായി എടുത്തില്ല. അധികം വൈകാതെ പ്രിയദര്ശിനി തിരുപ്പൂരിലുള്ള സ്വന്തം വീട്ടിലേക്ക് മടങ്ങിപ്പോയി.
പ്രിയദര്ശിനി പോയതോടെ അരവിന്ദ് മറ്റൊരു വിവാഹം കഴിക്കാന് തീരുമാനിച്ചു. ഇതിനായി മാട്രിമോണി സൈറ്റില് പരസ്യം നല്കുകയും ചെയ്തു. ആദ്യവിവാഹം മറച്ചുവെച്ച് 2019ല് വിവാഹമോചിതയും ഒരു കുട്ടിയുടെ അമ്മയുമായ അനുപ്രിയ എന്ന യുവതിയെ അരവിന്ദ് വിവാഹം കഴിച്ചു. വൈകാതെ അനുപ്രിയയെയും അവഗണിക്കാന് തുടങ്ങി. അരവിന്ദില് നിന്ന് മാനസിക പീഡനംകൂടി ഏല്ക്കേണ്ടി വന്നതോടെ അനുപ്രിയ കരുരില് ഉള്ള തന്റെ വീട്ടിലേക്ക് മടങ്ങി. ഇതോടെ അരവിന്ദ് മൂന്നാമതും വിവാഹം കഴിക്കാന് തീരുമാനിച്ചു. ഇതിനായി മാട്രിമോണി സൈറ്റില് പരസ്യം നല്കി. ഇതറിഞ്ഞ പ്രിയദര്ശിനിയും അനുപ്രിയയും അരവിന്ദിന്റെ ഓഫീസിലെത്തി ഇയാളെ ജോലിയില്നിന്ന് പറഞ്ഞയക്കണമെന്ന് ആവശ്യപ്പെട്ടു. എന്നാല് കമ്പനി ഈ ആവശ്യം നിരസിച്ചതോടെ ഇരുവരും കമ്പനി ഗെയ്റ്റില് ഇരുന്ന് പ്രതിഷേധിക്കാന് തുടങ്ങി. ഇരുവരുടെയും ബന്ധുക്കളും പ്രതിഷേധത്തില് പങ്കെടുത്തു. പോലീസ് യുവതികളോടും അരവിന്ദിനോടും സ്റ്റേഷനിലെത്താന് ആവശ്യപ്പെട്ടു. അരവിന്ദ് കമ്പനി ഗെയ്റ്റിലെത്തിയപ്പോള് ഇരുവരും ചേര്ന്ന് അരവിന്ദിനെ മര്ദിക്കാന് തുടങ്ങി. തങ്ങളെ ചതിച്ചെന്ന് കാണിച്ച് യുവതികള് അരവിന്ദിനെതിരെ പോലീസില് പരാതി നല്കി.
https://www.facebook.com/Malayalivartha
