യുപിയിലെ ഉന്നാവോയിലെ ഹിന്ദുസ്ഥാന്‍ പെട്രോളിയം കോര്‍പറേഷന്റെ എല്‍പിജി പ്ലാന്റില്‍ തീപിടിത്തം. മൂന്നു പേര്‍ക്കു പരിക്കേറ്റു. സുഭാഷ് ചന്ദ്ര(52), മുഹമ്മഗ് ഗുഫ്രാന്‍(28), ആസിഫ്(22) എന്നിവര്‍ക്കാണു പരിക്കേറ്റത്. ഇന്നലെ വ്യാഴാഴ്ച രാവിലെയാണു തീപിടിത്തമുണ്ടായത്. വാല്‍വിലുണ്ടായ ചോര്‍ച്ചയാണ് തീപിടിത്തത്തിന് കാരണമെന്നാണ് റിപ്പോര്‍ട്ട്.
അഗ്‌നിശമന സേനയെത്തി തീ പൂര്‍ണമായും അണച്ചു. മുന്‍കരുതലെന്നോണം ഒന്നര കിലോമീറ്റര്‍ ചുറ്റളവിലുള്ള ആളുകളെ ഒഴിപ്പിച്ച് സുരക്ഷിതസ്ഥാനത്തേക്കു മാറ്റിയിരുന്നു.