ബാങ്ക് തട്ടിപ്പ് കേസിൽ ഇ​ന്ത്യ​യി​ല്‍​ നി​ന്ന്​ ക​ട​ന്ന വ​ജ്ര വ്യ​വ​സാ​യി​ നീ​ര​വ്​ മോദിയുടെ സഹോദരനെതിരെ ഇന്‍റര്‍പോള്‍ റെഡ് കോര്‍ണര്‍നോട്ടീസ്. 13,000 കോ​ടി രൂ​പ​യു​ടെ ബാ​ങ്ക്​ ത​ട്ടി​പ്പ്​ ന​ട​ത്തിയ നെഹല്‍ ദീപക് മോദിക്കെതിരെയാണ് നോട്ടീസ് പുറപ്പെടുവിച്ചത്. ഏതെങ്കിലും രാജ്യത്ത് നെഹല്‍ ദീപക് മോദിയെ കണ്ടെത്തിയാല്‍ അറസ്റ്റ് ചെയ്യണമെന്നാണ് നോട്ടീസ് നിര്‍ദേശിക്കുന്നതെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു. സാമ്പത്തിക തട്ടിപ്പ് നടത്തുന്നതിനും തെളിവുകള്‍ നശിപ്പിക്കുന്നതിനും നീരവ് മോദിയെ സഹായിച്ചെന്നാണ് സഹോദരന്‍ നെഹലിെനതിരെ എന്‍ഫോഴ്സ്മെന്‍റ് ഡയറക്ടറേറ്റ് (ഇ.ഡി) ആരോപിക്കുന്നത്.

ലണ്ടനില്‍ അറസ്റ്റിലായ നീ​ര​വ്​ മോ​ദിയെ ഇ​ന്ത്യ​യി​ലേ​ക്ക്​ കൊ​ണ്ടു​ വ​രു​ന്ന​തി​നു​ള്ള നീക്കം അ​ന്വേ​ഷ​ണ​ സം​ഘം ഊർജ്ജിതപ്പെടുത്തുന്നതിനിടെയാണ് സഹോദരനെതിരെ ഇന്‍റര്‍പോള്‍ നോട്ടീസ് പുറപ്പെടുവിച്ചത്. ക​ള്ള​പ്പ​ണം വെ​ളു​പ്പി​ക്ക​ല്‍ കേ​സി​ല്‍ ​നീ​ര​വി​നെ​തി​രെ അ​ന്വേ​ഷ​ണം ന​ട​ത്തു​ന്ന എ​ന്‍​ഫോ​ഴ്​​സ്​​മെന്‍റ്​ ഡ​യ​റ​ക്​​ട​റേ​റ്റ്​ കു​റ്റ​വാ​ളി കൈ​മാ​റ്റ​ത്തി​നാ​യി അപേക്ഷ സ​മ​ര്‍​പ്പി​ച്ചിട്ടുണ്ട്. 2018 ജ​നു​വ​രി​യി​ല്‍ രാ​ജ്യം​വി​ട്ട നീ​ര​വ്​ ഒരു വ​ര്‍​ഷം പി​ന്നി​ട്ട​തി​നു ​ശേ​ഷ​മാ​ണ്​ പൊ​ലീ​സ്​ പി​ടി​യി​ലാ​വു​ന്ന​ത്. ബാ​ങ്ക്​ വാ​യ്​​പ ത​ട്ടി​പ്പു​കേ​സി​ല്‍ മോ​ദി​യും അ​മ്മാ​വ​ന്‍ മെ​ഹു​ല്‍ ചോം​സ്​​കി​യു​മാ​ണ്​ പ്ര​ധാ​ന പ്ര​തി​ക​ള്‍. ത​ട്ടി​പ്പു പു​റ​ത്തു​വ​ന്ന ഉ​ട​ന്‍ ഇ​രു​വ​രും ഇ​ന്ത്യ​യി​ല്‍​ നി​ന്ന്​ ക​ട​ന്നു​ക​ള​ഞ്ഞിരുന്നു.