ഒരു രാജ്യം ഒരു ഭാഷ എന്ന ആശയത്തിന് പിന്തുണയുമായി ആഭ്യന്തര മന്ത്രി അമിത്​ ഷാ. ഹിന്ദി ദിവസിനോട്​ അനുബന്ധിച്ച്‌​ നടത്തിയ പരിപാടിയിലായിരുന്നു അമിത് ഷാ ഈ ആശയത്തെ അനുകൂലിച്ച് സംസാരിച്ചത്. ഇന്ത്യ വിവിധ ഭാഷകളുടെ നാടാണെന്നും എല്ലാ ഭാഷക്കും പ്രാധാന്യമുണ്ടെന്നും അദ്ദേഹം പറഞ്ഞു​. എന്നാല്‍, രാജ്യത്തെ ഒരുമിച്ച്‌​ നിര്‍ത്തുവാനായി ​ ഏകീകൃതമായൊരു ഭാഷ വേണം. അതിന് ധാരാളം ആളുകള്‍ സംസാരിക്കുന്ന ഹിന്ദി ഭാഷയാണ് ​ നല്ലതെന്ന്​ അമിത്​ ഷാ പറഞ്ഞു. രാജ്യത്തെ ഒറ്റക്കെട്ടായി നിലനിർത്താൻ ഏതെങ്കിലും ഭാഷക്ക് സാധിക്കുമെങ്കിൽ അത് ഹിന്ദിക്ക് മാത്രമാണെന്നും അമിത് ഷാ പറഞ്ഞു.

സർദാർ പട്ടേലും മഹാത്മാ ഗാന്ധിയും സ്വപ്നം കണ്ട ‘ഒരു രാജ്യം ഒരു ഭാഷ’ എന്ന ലക്ഷ്യത്തിനായി ജനങ്ങൾ മുന്നിട്ടിറങ്ങണമെന്ന് അമിത് ഷാ ട്വിറ്ററിലൂടെ അറിയിച്ചു. 2019 കരട് വിദ്യഭ്യാസ നയത്തിൽ ഹിന്ദി ഭാഷാ പഠനം നിർബന്ധമാക്കാനാൻ ആവശ്യം ഉയർന്നിരുന്നു. എന്നാൽ ഈ ആവശ്യത്തിനെതിരെ വ്യാപക പ്രതിഷേധമാണ് ഉയർന്നു വന്നത്. ബംഗാൾ, കർണാടക, മഹാരാഷ്ട്ര, തമിഴ്നാട് എന്നിവിടങ്ങളി‍ൽ കരട് നയത്തിനെതിരെ വിവിധ പാർട്ടികളും പ്രതിഷേധം അറിയിച്ചിരുന്നു.