അഭിമാനകരമായ ചന്ദ്രയാന്‍ രണ്ടിന്റെ വിജയക്കുതിപ്പിന് ശേഷം ചൊവ്വാ ദൗത്യത്തിനൊരുങ്ങുകയാണ് ഇന്ത്യക്കാര്‍. തിരിച്ചു വരാനാകാത്ത ചൊവ്വയിലേക്കുള്ള യാത്രയ്ക്കായി ടിക്കറ്റെടുത്തവരുടെ എണ്ണം 13 ലക്ഷത്തോളമെത്തുന്നു. നാസയുടെ മാര്‍സ് റോവറിന്റെ പ്രവേശനപ്പാസ് കിട്ടാനുള്ള തള്ളിക്കയറ്റത്തില്‍ മുന്‍പന്തിയിലാണ് ഇന്ത്യാക്കാര്‍. 2020 ല്‍ വിക്ഷേപിക്കാനിരിക്കുന്ന മാര്‍സ് റോവറില്‍ യാത്ര ചെയ്യാനാകില്ലെങ്കിലും തങ്ങളുടെ പേരുകള്‍ ചൊവ്വയിലെത്തിക്കാം എന്ന നാസയുടെ പ്രഖ്യാപനം ആവേശപൂര്‍വമാണ് ഇന്ത്യക്കാര്‍ സ്വീകരിച്ചത്. വ്യാഴാഴ്ചയാണ് നാസ ട്വിറ്ററിലൂടെ ഈ ആശയം ലോകത്തിനു മുന്നില്‍ അവതരിപ്പിച്ചത്. ലോകത്തെ അമ്പരപ്പിച്ച് വലിയ സ്വീകരണമാണ് ഇന്ത്യ നല്‍കിയത്.

ശനിയാഴ്ച രാവിലെ വരെ ആറുവരെ 12.78 ലക്ഷം ഇന്ത്യക്കാരാണ് ഇതുവരെ തങ്ങളുടെ പേരുകള്‍ ബോര്‍ഡിങ് പാസിനായി രജിസ്റ്റര്‍ ചെയ്തത്. രജിസ്‌ട്രേഷന്‍ കണക്കില്‍ ലോകത്തില്‍ രണ്ടാമത്തെ സ്ഥാനമാണ് ഇന്ത്യയ്ക്കുള്ളത്. 25 ലക്ഷം പേര്‍ രജിസ്റ്റര്‍ ചെയ്ത് തുര്‍ക്കി ഒന്നാംസ്ഥാനത്താണ്. മൊത്തത്തില്‍ 92 ലക്ഷം പേരാണ് രജിസ്റ്റര്‍ ചെയ്തിട്ടുള്ളത്. ഇതില്‍ പാകിസ്ഥാന്റെ സ്ഥാനം നോക്കിയപ്പോള്‍ മരുന്നിന് പോലും കണ്ടുപിടിക്കാനായില്ലെന്നാണ് പലരും കമന്റ് ചെയ്യുന്നത്. ശരീരം വേദനിക്കുന്ന ഒരു കാര്യത്തിനും പാക്കികളെ കിട്ടില്ലെന്ന ആക്ഷേപവുമുണ്ട്.

നാസയുടെ വെബ്‌സൈറ്റില്‍ സെന്റ് യുവര്‍ നെയിം എന്ന വിഭാഗത്തിലാണ് പേരുകള്‍ രജിസ്റ്റര്‍ ചെയ്യാനാകുക. രജിസ്റ്റര്‍ ചെയ്തുകഴിയുമ്പോള്‍ ബോര്‍ഡിങ് പാസും ലഭിക്കും. മാര്‍സ് റോവറിന്റെ ചിത്രത്തോടൊപ്പം രജിസ്റ്റര്‍ ചെയ്തവരുടെ പേര്, റോക്കറ്റിന്റെ പേര്, പോകുന്ന മാസം, ബാര്‍കോഡ് തുടങ്ങിയവയാണ് ബോര്‍ഡിങ് പാസില്‍ ഉണ്ടായിരിക്കുന്നത്. ഈ പേരുകള്‍ മൈക്രോചിപ്പിലാക്കി മൈക്രേമാര്‍സ് റോവറില്‍ ചൊവ്വയിലേക്ക് അയക്കും. പേരുകള്‍ ഈ മാസം 30 വരെ രജിസ്റ്റര്‍ ചെയ്യാന്‍ സാധിക്കും. ഇനിയും കൂടുതല്‍ ഇന്ത്യക്കാര്‍ ചൊവ്വാ യാത്രയ്ക്ക് ഒരുങ്ങുമെന്നാണ് അറിയുന്നത്.

ഭാരതീയര്‍ക്ക് ചൊവ്വയെന്ന് കേള്‍ക്കുമ്പോഴേ ഒരു അപശകുനമാണ്. എന്നാല്‍ പാശ്ചാത്യര്‍ക്ക് നിഗൂഡതകളുടെ കേന്ദ്രവും. ചുവന്ന ഗ്രഹം, ഭൂമി കഴിഞ്ഞാല്‍ ജീവന്‍ നിലനില്‍ക്കാന്‍ സാധ്യത ഉണ്ടെന്ന് കരുതപ്പെടുന്ന ഗ്രഹം കൂടിയാണ് ചൊവ്വ. ഇപ്പോള്‍ തന്നെ നിരവധി രാജ്യങ്ങളുടെ പര്യവേക്ഷണ വാഹനങ്ങള്‍ ചൊവ്വയുടെ ആകാശത്തും ഭൂമിയിലുമായുണ്ട്. ചൊവ്വയിലേക്ക് ഇന്ത്യയടക്കമുള്ള രാജ്യങ്ങളുടെ പര്യവേക്ഷണം വിജയകരമായി മുന്നേറിക്കൊണ്ടിരിക്കുകയാണ്. അതിനിടെയാണ് അവിടെ മനുഷ്യ കോളനികള്‍ സ്ഥാപിക്കാനുള്ള മാര്‍സ് ഒന്ന് പദ്ധതി പുരോഗമിക്കുന്നത്.

ചൊവ്വാ ജൈവ വാസയോഗ്യമെന്നതിനുള്ള കൂടുതല്‍ തെളിവുകള്‍ ഗവേഷകര്‍ കണ്ടെത്തിയിട്ടുണ്ട്. ഭൂമിയുടെ തുടക്കം മുതലേ ഉണ്ടെന്ന് കരുതുന്ന ഏതാനും സൂക്ഷ്മജീവികള്‍ക്ക് ചൊവ്വയിലെ സാഹചര്യത്തില്‍ നിലനില്‍ക്കാനാവുമെന്നാണ് ഒരുകൂട്ടം ഗവേഷകര്‍ കണ്ടെത്തിയിരിക്കുന്നത്. അമേരിക്കയിലെ അര്‍കന്‍സാസ് സര്‍വകലാശാലയിലെ ഗവേഷകരാണ് കണ്ടുപിടിത്തത്തിന് പിന്നില്‍. ഏതായാലും ചൊവ്വാ യാത്രയ്ക്ക് തയ്യാറെടുക്കുന്നവരെ സംബന്ധിച്ച് ഇതൊരു ശുഭവാര്‍ത്തയാണ്.

നിലവില്‍ ഏതെങ്കിലുമൊരു ജീവിക്ക് അവിടെ കഴിയാന്‍ സാധിക്കണമെങ്കില്‍ ഈ താപനിലയെ ഏതു സമയവും അതിജീവിക്കേണ്ടതുണ്ട്. ഇവര്‍ ഉപയോഗിച്ച സൂക്ഷ്മ ജീവികള്‍ ആ കാലാവസ്ഥയെ അതിജീവിച്ചതോടെ ചൊവ്വാ വാസയോഗ്യമാണെന്ന് തെളിയുകയായിരുന്നു.

ഭൂമിയില്‍ ജീവന്‍ ആവിര്‍ഭവിച്ചത് ചൊവ്വയില്‍നിന്നാണെന്ന ഒരു സിദ്ധാന്തം ശാസ്ത്രലോകത്ത് ശക്തിപ്പെട്ടു വരുന്നുണ്ട്. പാന്‍സ്‌പെര്‍മിയ സിദ്ധാന്തം എന്നാണ് ഇതറിയപ്പെടുന്നത്. ഇതെല്ലാം മുന്‍നിര്‍ത്തിയാണ് നാസ ചൊവ്വയിലേക്ക് തിരിച്ചു വരാത്ത യാത്ര പ്ലാന്‍ ചെയ്യുന്നത്. അതിനാകട്ടെ ലഭിച്ചത് വലിയ പിന്തുണയും.