ഉറങ്ങിക്കിടന്ന കുട്ടിയെ തട്ടിയെടുക്കാന് ലുധിയാനയില് ശ്രമം
അമ്മയ്ക്കും അമ്മൂമയ്ക്കുമൊപ്പം ഉറങ്ങിക്കിടന്ന നാലരവയസ്സുകാരിയെ തട്ടിക്കൊണ്ടു പോകാന് ശ്രമിച്ചയാള് സിസിടിവിയില് കുടുങ്ങി. പഞ്ചാബിലെ ലുധിയാനയില് വീടിനു പുറത്തെ കട്ടിലില് കിടക്കുകയായിരുന്നു കുട്ടി.
കുട്ടിയെ ഇവര്ക്കരികില് നിന്ന്, സെക്കിളില് എത്തിയ ഒരാള് എടുത്ത് വണ്ടിയില് വയ്ക്കുന്നതായാണ് വിഡിയോയില് കാണുന്നത്. എന്നാല് കുട്ടിയുടെ അമ്മ ചാടി എഴുന്നേറ്റ് കുട്ടിയെ രക്ഷപ്പെടുത്തുകയായിരുന്നു. ഇവരെ കണ്ട് പരിഭ്രാന്തനായ പ്രതി സൈക്കിളില് സ്ഥലം വിടാന് ശ്രമിച്ചെങ്കിലും കുട്ടിയുടെ അമ്മ അയാളെ പിന്തുടര്ന്നു. ബഹളം കേട്ട് എത്തിയ പ്രദേശവാസികള് ഇയാളെ പിടിച്ച് പൊലീസില് ഏല്പ്പിച്ചു.
ആദ്യമെത്തി വീടും പരിസരവും സൂക്ഷ്മമായി നിരീക്ഷിച്ച ശേഷമായിരുന്നു സെക്കിളുമായെത്തി പ്രതി കുട്ടിയെ കൊണ്ടുപോകാന് ശ്രമിച്ചതെന്നാണ് വിവരം. സിസിടിവി ദൃശ്യങ്ങളുടെ അടിസ്ഥാനത്തില് കുട്ടിയെ തട്ടിക്കൊണ്ടു പോകാന് ശ്രമം നടത്തിയെന്ന പേരില് കേസ് രജിസ്റ്റര് ചെയ്തെന്ന് പൊലീസ് അറിയിച്ചു.
https://www.facebook.com/Malayalivartha