നികുതി വരുമാനത്തില്‍ നിന്ന് നേരിട്ട് ധനസഹായം നല്‍കുന്ന സാര്‍വത്രിക ആരോഗ്യ സംരക്ഷണം നടപ്പാക്കണമെന്നാവശ്യപ്പെട്ട് രാജ്യത്തെ ഡോക്ടര്‍മാരുടെ ഏറ്റവും വലിയ സംഘടനയായ ഇന്ത്യന്‍ മെഡിക്കല്‍ അസോസിയേഷന്‍ രംഗത്ത്. ഐഎംഎ ഇക്കാര്യം ആവശ്യപ്പെട്ടത് ഞായറാഴ്ചയാണ്.
നിലവില്‍ ഇന്‍ഷുറന്‍സിലധിഷ്ഠിതമായ ചികിത്സാ സഹായമാണ് പാവപ്പെട്ടവര്‍ക്ക് സര്‍ക്കാര്‍ നല്‍കിവരുന്നത്. ഇന്‍ഷുറന്‍സ് അധിഷ്ഠിത മാതൃകയ്ക്ക് പകരം നികുതി വരുമാനത്തില്‍ നിന്ന് നേരിട്ട് ധനസഹായം നല്‍കുന്ന സാര്‍വത്രിക ആരോഗ്യ സംരക്ഷണം നല്‍കണമെന്നാണ് ആവശ്യം.