കേന്ദ്ര സര്ക്കാരിന്റെ നയങ്ങളില് പ്രതിഷേധിച്ച് ജനുവരി എട്ടിന് രാജ്യ വ്യാപകമായി തൊഴിലാളി പണിമുടക്ക്
കേന്ദ്ര സര്ക്കാരിന്റെ നയങ്ങളില് പ്രതിഷേധിച്ച് ജനുവരി എട്ടിന് രാജ്യ വ്യാപകമായി തൊഴിലാളികള് പണിമുടക്കുന്നു. ഇന്നലെ ഡല്ഹിയില് നടന്ന 10 കേന്ദ്ര തൊഴിലാളി യൂണിയനുകളുടെ വിശാല കണ്വെന്ഷന് തീരുമാനിച്ചു. എ.ഐ.യു.ടി.യു.സി, ടി.യു.സി.സി, സേവ, സി.ഐ.ടി.യു, ഐ.എന്.ടി.യു.സി, എ.ഐ.ടി.യു.സി, എച്ച്.എം.എസ്, എ.ഐ.സി.സി.ടി.യു, എല്.പി.എഫ്, യു.ടി.യു.സി തുടങ്ങിയ തൊഴിലാളി സംഘടനകളും വിവിധ മേഖലകളിലെ സ്വതന്ത്ര ഫെഡറേഷനുകളും അസോസിയേഷനുകളും സംയുക്തമായി ഡല്ഹി പാര്ലമന്റെ് സ്ട്രീറ്റില് സംഘടിപ്പിച്ച കണ്വെന്ഷനില് വിവിധ സംസ്ഥാനങ്ങളില്നിന്ന് ആയിരങ്ങള് പങ്കെടുത്തു.
ഖജനാവിന് പ്രതിവര്ഷം 1.45 ലക്ഷം കോടിയുടെ നഷ്ടമാണ് കോര്പറേറ്റ് നികുതി കുറച്ചതിലൂടെ സര്ക്കാര് വരുത്തിവെച്ചതെന്നും കുറ്റപ്പെടുത്തി. കേന്ദ്ര സര്ക്കാറിന്റെ നയങ്ങള് രൂക്ഷമായ സാമ്പത്തികമാന്ദ്യത്തിലെത്തിച്ചുവെന്ന് കണ്വെന്ഷന് ചൂണ്ടിക്കാട്ടി. പണിമുടക്കിനുമുമ്പായി പ്രാദേശിക, സംസ്ഥാനതല കണ്വെന്ഷനുകള് ചേരും.
https://www.facebook.com/Malayalivartha
