'എയര്‍ ഇന്ത്യ 1'വിമാനങ്ങളില്‍ ഘടിപ്പിക്കാനുള്ള മിസൈല്‍ പ്രതിരോധ സംവിധാനം 2020ൽ എത്തിക്കുമെന്നു വിവരം. എയര്‍ ഇന്ത്യയുടെ രണ്ട് ദീര്‍ഘദൂര ബോയിങ് 777 വിമാനങ്ങളിൽ പ്രതിരോധ സംവിധാനം ഘടിപ്പിക്കും. 2020 ജൂണോടെ അത്യാധുനിക സംവിധാനമുള്ള വിമാനത്തില്‍ ഭരണത്തലവന്‍മാര്‍ യാത്ര ചെയ്തു തുടങ്ങും. മിസൈല്‍ പ്രതിരോധ സംവിധാനം കൂടി ഘടിപ്പിച്ചാൽ യുഎസ് പ്രസിഡന്റിന്റെ ഔദ്യോഗിക വിമാനമായ 'എയര്‍ഫോഴ്‌സ് വണ്ണിനു' തുല്യമാകും എയര്‍ ഇന്ത്യ വണ്ണും.

പറക്കുന്ന വൈറ്റ് ഹൗസ് എന്നാണ് യുഎസ് പ്രസിഡന്റിന്റെ ഔദ്യോഗിക വിമാനമായ എയര്‍ഫോഴ്സ് 1 നെ പറയുന്നത്. അത് പോലെ തന്നെ സൗകര്യങ്ങൾ ഉള്ള വിമാനമാണ് ഒരുങ്ങുന്നത്. ആ സൗകര്യങ്ങൾ ഇവയാണ്. രണ്ടു നിലയുള്ള വിമാനത്തിന്റെ മുകളിലത്തെ നിലയിൽ പ്രസിഡന്റ് ഇരിക്കും. വിമാനത്തിൻറെ അകത്ത് നിന്നു തന്നെ രാജ്യത്തെ അഭിസംബോധന ചെയ്യാം. വിപുലമായ വാര്‍ത്താവിനിമയ സംവിധാനമുണ്ട്. ശസ്ത്രക്രിയ ഉള്‍പ്പെടെയുള്ള ചികില്‍സാ സൗകര്യങ്ങള്‍. മാത്രമല്ല ആകാശത്തു വച്ചുഇന്ധനം നിറയ്ക്കാൻ കഴിയും . എത്ര നേരവും ആകാശത്തു യാത്ര ചെയ്യാം. ആണവ സ്ഫോടനമുണ്ടായാൽ ക്ഷതമേല്‍ക്കില്ല. ഇത് പോലെ സൗകര്യമുള്ളതാണ്‌ 'എയര്‍ ഇന്ത്യ 1'.