പരീശീലന പറക്കലിനിടെ വിമാനം തകര്ന്ന് രണ്ടു പൈലറ്റുമാര്ക്ക് ദാരുണാന്ത്യം
06 OCTOBER 2019 07:50 PM IST
മലയാളി വാര്ത്ത
പരീശീലന പറക്കലിനിടെ വിമാനം തകര്ന്നു വീണ് തെലങ്കാനയിലെ വികാരാബാദില് രണ്ട് പൈലറ്റുമാര് മരിച്ചു. ഹൈദരാബാദിലെ ബെഗംപേട്ട് വിമാനത്താവളത്തില് നിന്ന് പറന്നുയര്ന്ന വിമാനം പ്രതികൂല കാലാവസ്ഥയെ തുടര്ന്ന് എഞ്ചിന് തകരാര് മൂലമാണ് തകര്ന്ന് വീണതെന്നാണ് വിവരം. സുല്ത്താന്പുര് ഗ്രാമത്തിലാണ് വിമാനം തകര്ന്ന് വീണത്.
എഞ്ചിന് തകരാര് ശ്രദ്ധയില് പെട്ടതിനെ തുടര്ന്ന് സുരക്ഷിതമായി വിമാനം താഴെയിറക്കാന് ശ്രമിച്ചെങ്കിലും പരാജയപ്പെടുകയായിരുന്നുവെന്നാണ് വിവരങ്ങള്. ബേഗംപേട്ട് വിമാനത്താവളത്തില് നിന്ന് പറന്നുയര്ന്ന് 45 മിനിറ്റിനുള്ളില് ഉച്ചയ്ക്ക് 11.55 ന് വിമാനവുമായുള്ള റേഡിയോ ബന്ധം നഷ്ടപ്പെടുകയായിരുന്നു. തുടര്ന്ന് നടന്ന തിരച്ചിലിനിടെ കൃഷിയിടത്തില് വിമാനത്തിന്റെ അവശിഷ്ടങ്ങള് കണ്ടെത്തി.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
