ജമ്മു കാശ്മീരില് വിനോദ സഞ്ചാരികള്ക്കുള്ള വിലക്ക് വ്യാഴാഴ്ച അവസാനിക്കും.... ജമ്മു കശ്മീരിനുള്ള പ്രത്യേക പദവി റദ്ദാക്കിയ ശേഷം രണ്ട് മാസത്തിലേറെയായി വിനോദ സഞ്ചാരികള്ക്ക് ഇവിടേക്ക് പ്രവേശനമുണ്ടായിരുന്നില്ല, കശ്മീരിലെ സ്ഥിതിഗതികള് സാധാരണനിലയിലേക്ക് മടങ്ങിയതോടെ വിനോദസഞ്ചാരികള്ക്ക് കാശ്മീരിലേക്ക് വരാമെന്ന് കാശ്മീര് ഭരണകൂടം
ജമ്മു കശ്മീരില് വിനോദ സഞ്ചാരികള്ക്കുള്ള വിലക്ക് നീക്കിയതോടെ വ്യാഴാഴ്ച മുതല് അവര്ക്ക് കാശ്മീരിലേക്ക് വരാം. ആഗസ്റ്റ് അഞ്ചിന് ജമ്മു കശ്മീരിനുള്ള പ്രത്യേക പദവി റദ്ദാക്കിയ ശേഷം രണ്ട് മാസത്തിലേറെയായി വിനോദ സഞ്ചാരികള്ക്ക് ഇവിടേക്ക് പ്രവേശനമുണ്ടായിരുന്നില്ല. ഗവര്ണര് സത്യപാല് മലിക് സംസ്ഥാനത്തെ സുരക്ഷാ സാഹചര്യം വിലയിരുത്തിയതായും വിനോദ സഞ്ചാരികള്ക്കുള്ള വിലക്ക് ഒക്ടോബര് 10ന് എടുത്തുകളയാന് ആഭ്യന്തരവകുപ്പിന് നിര്ദേശം നല്കിയതായും കശ്മീര് ഭരണകൂടം ട്വീറ്റിലൂടെ അറിയിച്ചു. പ്രത്യേക പദവി റദ്ദാക്കിയ കേന്ദ്ര സര്ക്കാര് ജമ്മു കശ്മീരിനെ രണ്ട് കേന്ദ്ര ഭരണ പ്രദേശങ്ങളായി വിഭജിക്കുകയും ചെയ്തിരുന്നു.
നിയന്ത്രണങ്ങളില് പലതിനും പതിയെ ഇളവ് വരുത്തിയെങ്കിലും കശ്മീര് മേഖലയില് മൊബൈല്, ഇന്റര്നെറ്റ് ബന്ധം ഇനിയും പുന:സ്ഥാപിച്ചിട്ടില്ല. പ്രതിഷേധങ്ങളെ അടിച്ചമര്ത്തുന്നതിന്റെ ഭാഗമായി വന് സൈനിക വിന്യാസമാണ് കശ്മീരില് നടത്തിയത്. രാഷ്ട്രീയ നേതാക്കളെ തടവിലാക്കുകയും ഫോണ്, ഇന്റര്നെറ്റ് സൗകര്യങ്ങള് ഇല്ലാതാക്കുകയും വിനോദസഞ്ചാരികളെ ഒഴിപ്പിക്കുകയും ചെയ്തിരുന്നു.
https://www.facebook.com/Malayalivartha
