എന്തൊക്കെയായിരുന്നു കശ്മീരിനെകുറിച്ച് ഇമ്രാന്റ ലോകരാജ്യങ്ങള്‍ക്കുമുന്നിലെ അഭിനയം, അടിമത്വമാണ് മരുന്നില്ല ഹോസ്പിറ്റലില്ലാ, ഞാനാണ് അവരുടെ രക്ഷകന്‍ അവര്‍ക്ക് സഹായം നല്‍കാന്‍ അനുവദിക്കൂ... എന്നിട്ടിപ്പൊ വാലും ചുരുട്ടി ഓടേണ്ട അവസ്ഥ വന്നല്ലോ... ഇമ്രാന്‍ ഉന്നയിച്ച എല്ലാ വ്യാജ വാതങ്ങള്‍ക്കും തെളിവുകള്‍ നിരത്തി ഇന്ത്യ മറുപടി നല്‍കിയതാണ്, അവിടുത്തെ സുരക്ഷ ജനങ്ങളുടെ നല്ലതിനു വേണ്ടിയായിരുന്നു, ഇപ്പോള്‍ മറ്റൊരു സുപ്രധാന നീക്കവും ഇന്ത്യ നടത്തിയിരിക്കുകയാണ്, അത് ഇതുവരെയും വിനോദ സഞ്ചാരത്തിന് ഏര്‍പ്പെടുത്തിയ വിലക്ക് നീക്കം ചെയ്തതാണ്, ഇനി ആക്കുവേണമെങ്കിലും കശ്മീരിന്റെ നിലവിലെ സാഹചര്യം കണ്ടറിയാം, ആ ഒരു ഉദേശത്തോടുകൂടി തന്നെയാണ് പുതിയ നീക്കവും, കശ്മീരിലെ സ്ഥിതിഗതികള്‍ സാധാരണനിലയിലേക്ക് മടങ്ങിയതോടെയാണ് വിനോദസഞ്ചാരികള്‍ക്ക് ഏര്‍പ്പെടുത്തിയ വിലക്ക് രണ്ടു മാസത്തിനുശേഷം ഇപ്പോള്‍ പിന്‍വലിക്കുന്നത്. ഒക്ടോബര്‍ 10 വ്യാഴാഴ്ച മുതല്‍ വിനോദസഞ്ചാരികള്‍ക്ക് കശ്മീരിലേക്ക് വരാമെന്ന് കശ്മീര്‍ ഭരണകൂടം അറിയിച്ചു.

കശ്മീരിലെ സാഹചര്യങ്ങളും സുരക്ഷാക്രമീകരണങ്ങളും വിലയിരുത്താന്‍ ഗവര്‍ണറും ചീഫ് സെക്രട്ടറി അടക്കമുള്ള ഉന്നത ഉദ്യോഗസ്ഥരും തിങ്കളാഴ്ച അവലോകനയോഗം ചേര്‍ന്നിരുന്നു. ഈ യോഗത്തിലാണ് വിനോദസഞ്ചാരികള്‍ക്ക് ഏര്‍പ്പെടുത്തിയിരുന്ന നിയന്ത്രണങ്ങള്‍ പിന്‍വലിക്കാന്‍ ഗവര്‍ണര്‍ നിര്‍ദേശം നല്‍കിയത്. ഇത് വ്യാഴാഴ്ച മുതല്‍ നിലവില്‍വരുമെന്ന് ജമ്മു കശ്മീര്‍ ഭരണകൂടവും അറിയിച്ചു. ആര്‍ട്ടിക്കിള്‍ 370 റദ്ദാക്കുന്നതിന് മുന്നോടിയായി കശ്മീരില്‍നിന്ന് വിനോദസഞ്ചാരികളെ ഒഴിപ്പിച്ചിരുന്നു. ഇതിനു ശേഷം കടുത്ത നിയന്ത്രണങ്ങളാണ് കശ്മീരിലാകെ സര്‍ക്കാര്‍ ഏര്‍പ്പെടുത്തിയിരുന്നത്. വാര്‍ത്താവിനിമയ സൗകര്യങ്ങള്‍ വിലക്കുകയും വിദ്യാഭ്യാസ സ്ഥാപനങ്ങളും ഓഫിസുകളും അടഞ്ഞുകിടക്കുകയും ചെയ്തു. ജമ്മു മേഖലയിലെ 10 ജില്ലകളിലാണു നിരോധനാജ്ഞ ഏര്‍പ്പെടുത്തിയത്. നിയന്ത്രണങ്ങളില്‍ ഭാഗികമായ ഇളവുകള്‍ വരുത്തിയെങ്കിലും കശ്മീരിലെ മുന്‍ മുഖ്യമന്ത്രിമാര്‍ ഉള്‍പ്പെടെയുള്ള രാഷ്ട്രീയ നേതാക്കള്‍ ഇപ്പോഴും വീട്ടുതടങ്കലിലാണ്.

രണ്ടു മാസമായി വീട്ടുതടങ്കലില്‍ കഴിയുന്ന നാഷനല്‍ കോണ്‍ഫറന്‍സ് നേതാക്കളായ ഫാറൂഖ് അബ്ദുല്ലയെയും ഒമര്‍ അബ്ദുല്ലയെയും ജമ്മുവില്‍ നിന്നെത്തിയ 15 അംഗ പാര്‍ട്ടി പ്രതിനിധിസംഘം ഞായറാഴ്ച സന്ദര്‍ശിച്ചു ചര്‍ച്ച നടത്തിയിരുന്നു. ഫാറൂഖ് ഗുപ്കര്‍ റോഡിലെ സ്വവസതിയിലും ഒമര്‍ ഹരിനിവാസ് ഗെസ്റ്റ് ഹൗസിലുമാണുള്ളത്.കേന്ദ്രമന്ത്രി ജിതേന്ദര്‍ സിങ് റാണയുടെ ഇളയ സഹോദരന്‍ കൂടിയായ നാഷനല്‍ കോണ്‍ഫറന്‍സ് ജമ്മു മേഖലാ പ്രസിഡന്റ് ദേവേന്ദ്ര റാണയുടെ നേതൃത്വത്തിലുള്ള സംഘത്തിന് നേരത്തെ സര്‍ക്കാര്‍ സന്ദര്‍ശനാനുമതി നല്‍കിയിരുന്നു. അനന്ത്നാഗ്, ബാരാമുല്ല ലോക്സഭാ മണ്ഡലങ്ങളില്‍ നിന്നു ജയിച്ച ഹസ്നൈന്‍ മസൂദിയും അക്ബര്‍ ലോണും ഒപ്പമുണ്ടായിരുന്നു. കശ്മീരിലെ സ്ഥിതിഗതികള്‍ സംഘം ചര്‍ച്ച ചെയ്തു.

അതേസമയം, കശ്മീരില്‍ വിനോദസഞ്ചാരികള്‍ക്ക് പ്രവേശനാനുമതി നല്‍കിയതിനു പിന്നാലെ നിയന്ത്രണ രേഖയില്‍ താല്‍ക്കാലികമായി അടച്ചുപൂട്ടിയ ഭീകര ക്യാംപുകള്‍ പാക്കിസ്ഥാന്‍ വീണ്ടും സജീവമാക്കിയതായി രഹസ്യാന്വേഷണ ഏജന്‍സികള്‍ റിപ്പോര്‍ട്ട് ചെയ്തു. വരും ദിവസങ്ങളില്‍ നുഴഞ്ഞുകയറ്റ ശ്രമങ്ങള്‍ വര്‍ധിക്കാന്‍ സാധ്യതയുണ്ടെന്നു ഏജന്‍സികള്‍ മുന്നറിയിപ്പ് നല്‍കി. ഈ ക്യാംപുകളില്‍ 20 ഭീകര വിക്ഷേപണ പാഡുകളും 18 പരിശീലന കേന്ദ്രങ്ങളും ഉണ്ടെന്നാണ് സൂചന. ഓരോന്നിലും ശരാശരി 60 ഭീകരര്‍ താമസിക്കുന്നതായാണ് വിവരം.