മഹാചുഴലിക്കാറ്റില്‍ മത്സ്യബന്ധന ബോട്ടില്‍ നിന്നും തെറിച്ച്‌ വീണ് കടലില്‍ കാണാതായ രണ്ട് മത്സ്യത്തൊഴിലാളികളെ നാലാം ദിവസത്തെ തെരച്ചിലിലും കണ്ടെത്താനായില്ല എന്ന വാർത്തയാണ് ഇപ്പോൾ പുറത്തേക്ക് വരുന്നത്. ബുധനാഴ്ച കണ്ണൂര്‍ ആയിക്കരയില്‍ നിന്ന് പുറപ്പെട്ട ബോട്ടിലുണ്ടായിരുന്ന ആദികടലായി സ്വദേശി ഫാറൂഖ്,തൃശൂര്‍ ചാവക്കാട് നിന്ന് തിങ്കളാഴ്ച പുറപ്പെട്ട ബോട്ടിലുണ്ടായിരുന്ന ആലപ്പുഴ തോട്ടപ്പള്ളി, സ്വദേശി രാജീവന്‍ എന്നിവരെയാണ് കണ്ണൂര്‍ തീരത്തിനടുത്ത് നിന്നും കാണാതായത് എന്നാണ് നേരത്തെ വന്ന വിവരം. കാസര്‍കോട് തീരത്തോട് ചേര്‍ന്ന ഭാഗങ്ങളിലായിരുന്നു തെരച്ചില്‍ നടത്തിപ്പോരുന്നത്. ഫിഷറീസ് വകുപ്പിന്‍റെ ബോട്ടും മത്സ്യത്തൊഴിലാളികളുടെ ബോട്ടുകളുമാണ് കാണാതായവര്‍ക്കായി തെരച്ചില്‍ നടത്തിയിരിക്കുന്നത്.

അതേസമയം മ​ഹാ ചു​ഴ​ലി​ക്കാ​റ്റി​നെ തു​ട​ര്‍ന്നുണ്ടായ കാ​റ്റി​ലും കോ​ളി​ലും അ​ക​പ്പെ​ട്ട് ല​ക്ഷ​ദ്വീ​പി​ലെ ക​ല്‍​പ്പേ​നി​യി​ല്‍ അമ്ബ​തോ​ളം മ​ത്സ്യ​ത്തൊ​ഴി​ലാ​ളി​ക​ള്‍ കു​ടു​ങ്ങി കി​ട​ക്കു​ന്നു. അ​ഞ്ചു ബോ​ട്ടു​ക​ളി​ലെ തൊ​ഴി​ലാ​ളി​ക​ളാ​ണ് ഒ​രാ​ഴ്ച​യാ​യി ഇ​വി​ടെ ക​ഴി​യു​ന്ന​ത് എന്നാണ് ലഭിക്കുന്ന വിവരം.തി​രു​വ​ന​ന്ത​പു​രം പൊ​ഴി​യൂ​രി​ല്‍​നി​ന്നു​ള്ള പ​ത്തു​പേ​രും ഈ ​സം​ഘ​ത്തി​ലു​ണ്ട് എന്നാണ് പോലീസ് വ്യക്തമാക്കിയത്. അധികൃതര്‍ ആരും ഇത് വരെ എത്തിയിട്ടില്ലെന്നും ആഹാരവും മരുന്നും ലഭിക്കാത്ത സാഹചര്യമാണ് തങ്ങള്‍ക്കെന്ന് മത്സ്യതൊഴിലാളികള്‍ വെളിപ്പെടുത്തുകയുണ്ടായി.