ഡല്ഹിയിലെ തീസ് ഹസാരി കോടതിയില് പോലീസും അഭിഭാഷകരും തമ്മിലുള്ള സംഘര്ഷത്തില് അപ്രതീക്ഷിത പ്രതിഷേധം
ഡല്ഹിയിലെ തീസ് ഹസാരി കോടതിയില് പോലീസും അഭിഭാഷകരും തമ്മിലുള്ള സംഘര്ഷത്തില് അപ്രതീക്ഷിത പ്രതിഷേധം. കോടതിയില് പോലീസുകാരെ ആക്രമിച്ച അഭിഭാഷകരെ അറസ്റ്റ് ചെയ്യണമെന്നാവശ്യപ്പെട്ട് ഡല്ഹിയിലെ പോലീസുകാര് പണിമുടക്കി തെരുവിലിറങ്ങി. അഭിഭാഷകരെ അറസ്റ്റ് ചെയ്യാതെ പ്രതിഷേധത്തില് നിന്നു പിന്മാറില്ലെന്ന് പ്രഖ്യാപിച്ചാണു പോലീസുകാരുടെ സമരം.
ഡല്ഹി പോലീസ് ആസ്ഥാനത്തു ചൊവ്വാഴ്ച രാവിലെയാണ് പോലീസുകാര് ആദ്യം പ്രതിഷേധവുമായി സംഘടിച്ചത്. കറുത്ത റിബണ് ധരിച്ച പോലീസുകാര്, ആസ്ഥാനത്തിന് മുന്നില് റോഡില് കുത്തിയിരുന്ന് മുദ്രാവാക്യം വിളിച്ചു. സമരത്തില് നിന്നും പിന്മാറണമെന്ന് ഉന്നത ഉദ്യോഗസ്ഥര് ആവശ്യപ്പെട്ടെങ്കിലും പ്രതിഷേധക്കാര് ചെവിക്കൊണ്ടില്ല.
ഡല്ഹി പോലീസ് കമ്മീഷണര് സ്ഥലത്തെത്തി, അക്രമം നടത്തിയ അഭിഭാഷകരെ അറസ്റ്റ് ചെയ്യുമെന്നത് സംബന്ധിച്ച് ഉറപ്പ് നല്കണമെന്ന് സമരക്കാര് ആവശ്യപ്പെടുന്നു. ആയിരക്കണക്കിനു പോലീസുകാരാണ് ഇപ്പോഴും പ്രതിഷേധം തുടരുന്നത്.
https://www.facebook.com/Malayalivartha