പോലീസ് അഭിഭാഷ സംഘര്‍ഷം...ദില്ലി പോലീസ് സമര്‍പ്പിച്ച പുനഃപരോശോധന ഹര്‍ജി ദില്ലി ഹൈക്കോടതി തള്ളി
പോലീസ് അഭിഭാഷ സംഘര്‍ഷത്തില്‍ ദില്ലി പൊലീസ് സമര്‍പ്പിച്ച പുനഃപരോശോധന ഹര്‍ജി ദില്ലി ഹൈക്കോടതി തള്ളി. ജുഡീഷ്യല്‍ അന്വേഷണത്തിലെ തല്‍സ്ഥിതി തുടരണമെന്ന് നിര്‍ദേശിച്ച കോടതി അഭിഭാഷകര്‍ക്കെതിരെ തുടര്‍നടപടികള്‍ ഉണ്ടാകരുതെന്നും വ്യക്തമാക്കി. സാകേത് കോടതിയിലെ സംഘര്‍ഷത്തില്‍ അഭിഭാഷകര്‍ക്ക് എതിരെ എഫ്‌ഐആര്‍ രജിസ്റ്റര്‍ ചെയ്യരുതെന്നും കോടതി. ഏഴ് ദിവസത്തിനകം കുറ്റം ചെയ്ത പൊലീസുകാരെ അറസ്റ്റ് ചെയ്തില്ലെങ്കില്‍ പ്രത്യക്ഷ സമരമെന്ന് ബാര്‍ കൗണ്സില് മുന്നറിയിപ്പ് നല്‍കി.
തീസ് ഹസരികോടതിയിലെ സംഘര്‍ഷത്തിലെ വിധി പുനഃപരോശോധിക്കണമെന്ന് ആവശ്യപ്പെട്ടാണ് ദില്ലി പോലീസ് ഹൈക്കോടതിയെ സമീപിച്ചത്. അതൊടപ്പം സാകേത് കോടതിയിലെ സംഘര്‍ഷത്തില്‍ അഭിഭാഷകര്‍ക്കെതിരെ എഫ്‌ഐആര്‍ രജിസ്റ്റര്‍ ചെയ്യണമെന്നും പോലീസ് ആവശ്യം ഉന്നയിച്ചിരുന്നു. പോലീസിന്റെ രണ്ട് ആവശ്യങ്ങളും ദില്ലി ഹൈക്കോടതി തള്ളി. പോലീസ് ഉദ്യോഗസ്ഥരുടെ സസ്‌പെന്‍ഷന്‍ ശരിവെച്ച കോടതി ജുഡീഷ്യല്‍ അന്വേഷണത്തില്‍ തല്‍സ്ഥിതി തുടരാനും നിര്‍ദേശിച്ചു.
അഭിഭാഷകര്‍ക്ക് എതിരെ ഇപ്പോള്‍ ഒരു നടപടിയും ആവശ്യമില്ലെന്നും, സാകേത് കോടതിയില്‍ ഉണ്ടായ സംഘര്‍ഷത്തിലും ഇപ്പോള്‍ അഭിഭാഷകര്‍ക്കെതിരെ ഒരു നടപടിയും സ്വീകരിക്കരുതെന്നും കോടതി കര്‍ശന നിര്‍ദേശം നല്‍കി.വാര്‍ത്തകള്‍ നല്‍കുന്നതില്‍ നിന്ന് മാധ്യമങ്ങളെ വിലക്കണമെന്ന് ബാര്‍ കൗണ്സില് അവശ്യപ്പെട്ടെങ്കിലും അംഗീകരിക്കാന്‍ കോടതി തയ്യാറായില്ല. അതോടൊപ്പം നവംമ്പര്‍ 2ലെ വിധിയില്‍ വ്യക്തത തേടിയുള്ള ആഭ്യന്തര മന്ത്രാലയതിന്റെ ഹര്‍ജിയും തള്ളി.
അതിനിടയില്‍ പോലുസുകര്‍ക്കെതിരെ നടപടി വേണമെന്ന് ആവശ്യപ്പെട്ട് ദില്ലിയിലെ വിവിധ കോടതികളില്‍ അഭിഭാഷകര്‍ പ്രതിഷേധം നടത്തി. സാകേത് കോടതിയില്‍ ഗേറ്റ് പൂട്ടിയതിനെ തുടര്‍ന്ന് അഭിഭാഷകരും നാട്ടുകാരും തമ്മില്‍ സംഘര്‍ഷം അരങ്ങേറി. രോഹിണി കോടതിയിലെ പ്രതിഷേധത്തിനിടയില്‍ ഒരു അഭിഭാഷകന്‍ ദേഹത്ത് മണ്ണെണ്ണ ഒഴിച് ആത്മഹത്യക്കും ശ്രമിച്ചു.7 ദിവസതിനകം പോലീസ് ഉദ്യോഗസ്ഥരെ അറസ്റ്റ് ചെയ്തില്ലെങ്കില്‍ പ്രത്യക്ഷ സമരത്തിലേക്ക് നീങ്ങുമെന്നാണ് അഭിഭാഷകരുടെ മുന്നറിയിപ്പ്.
https://www.facebook.com/Malayalivartha
